Քաղաքականություն
31.03.2025 | 22:35
Շվեդիան Ուկրաինային կտրամադրի 16 մլրդ շվեդական կրոնի (մոտ 1,59 մլրդ դոլար) ռազմական օգնության փաթեթ։ Այս մասին հայտնում է Aftonbladet-ը, որին վկայակոչում է BBC-ի ռուսական ծառայությունը։
Սա պատերազմի մեկնարկից ի վեր սկանդինավյան երկրից օգնության ամենամեծ փաթեթն է։ Դրա մեծ մասը՝ 9 միլիարդ կրոնը, ուղղվելու է զենքի և տեխնիկայի ձեռքբերմանը, որը Շվեդիան կփոխանցի Ուկրաինային։
«Մենք ակնկալում ենք, որ շուրջ 70%-ը կմատակարարվի 2025 թվականին, իսկ մնացածը՝ 2026 թվականին»,- հայտարարել է Շվեդիայի պաշտպանության նախարար Փոլ Յունսոնը։
Թարգմանությունը՝ Էմմա Չոբանյանի
