25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Կոմիտասն ունեցել է հակասություններ կղերականների, ոչ թե եկեղեցու հետ. ապաքաղաքական զրույց Լուսինե Սահակյանի հետ. ՏԵՍԱՆՅՈՒԹ
Հաղորդաշարեր
29.03.2025 | 20:00
Factor TV-ի A-politic հաղորդաշարի հյուրն է կոմիտասագետ, Կոմիտասի թանգարան-ինստիտուտի տնօրենի ժամանակավոր պաշտոնակատար Լուսինե Սահակյանը: Նրան կարծիքով՝ կոմիտասագիտությունը պահանջում է միջդիսցիպլինար մոտեցում, քանի որ ինքը՝ Կոմիտասը, հանդես է գալիս ոչ միայն որպես կոմպոզիտոր, այլև իր ծանրակշիռ խոսքն է ասել ազգագրության, լեզվաբանության, մանկավարժության մեջ և մի շարք այլ ոլորտներում:
Անդրադառնալով Կոմիտաս վարդապետի և որոշ հոգևորականների միջև առաջացած խնդիրներին՝ հաղորդման հյուրը նշում է, որ արվեստագետն իր մտածողությամբ շատ ազատ էր. օրինակ՝ հաճախ էր գտնվում կանանց միջավայրում, նաև ստեղծագործություններ էր գրում կանանց երգչախմբի համար, ինչը չէր կարող դուր գալ կղերականներին: Խնդիրը հենց նրանք էին, ոչ թե Հայ Առաքելական եկեղեցին:
Գիտնականը վստահություն է հայտնում, որ Կոմիտասի՝ այսօր անհայտ գրառումները, սևագրերը կամ նույնիսկ ամբողջական ստեղծագործությունները դեռ հայտնվելու են ասպարեզում: Իսկ հայտնաբերվածների ուսումնասիրությունը մշտական և չընդհատվող աշխատանք է:
«Կոմիտասի շուրջ խոսակցությունը երբեք չի ավարտվելու»,- ամփոփում է Լուսինե Սահակյանը:
Մանրամասները՝ տեսանյութում:
Արամ Աբրահամյան
