22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
«Դուրս եկեք դահլիճից». դատավոր Դավիթ Արղամանյանը լրագրողին դուրս հրավիրեց․ ՏԵՍԱՆՅՈՒԹ
Հասարակություն
26.03.2025 | 15:06
Երևան քաղաքի առաջին ատյանի ընդհանուր իրավասության քրեական դատարանի Աջափնյակ նստավայրում` դատավոր Դավիթ Արղամանյանի նախագահությամբ շարունակվեցին ավտոբուսում ԱԺ պատգամավոր Հակոբ Ասլանյանի և քաղաքացի Սամվել Վարդանյանի միջև տեղի ունեցած միջադեպի գործով հիմնական դատալսումները։ Պաշտպանության կողմը հանդես եկավ եզրափակիչ ելույթներով: Դատական նիստին ներկա չէր տուժող Հակոբ Ասլանյանը: Դատավոր Դավիթ Արղամանյանը պաշտպան Ռուբեն Մելիքյանի ելույթի ժամանակ դուրս հրավիրեց «Հայկական երկրորդ հեռուստաալիք»-ի լրագրողին՝ նիստի ընթացքում խոսելու համար։ Factor TV-ի՝ ինչո՞ւ հարցին, դատավորն արձագանքեց։
«Ձեր խոսակցությամբ շեղում եք թե՛ դատարանին, թե՛ վարույթի մասնակիցներին»,- ասաց Արղամանյանը։
Լրագրողի արձագանքին, որ աշխատանքային քննարկում է, դատավորը պատասխանեց։
«Բազմիցս այդ թեմային անդրադարձել եմ՝ դատական նիստերի դահլիճում տեղի ունեցող դատավարությունը ձեր լրագրողական գործունեությունից առավել կարևոր է, հետևաբար, դո՛ւրս եկեք նիստերի դահլիճից մինչև այսօրվա դատական նիստի ավարտը»,- նշեց Դավիթ Արղամանյանը։
Ռուբեն Մելիքյանը հավելեց, որ խոսակցությունն իրեն չի շեղել, դատավորը, սակայն, չհամաձայնեց։
Մանրամասները՝ տեսանյութում։
Արփի Հակոբյան
