03.04.2025 | 11:48
Ես կխելագարվեմ․ ինձ նամակ են գրում աշխատանքի համար, մեջը 17 ուղղագրական սխալ կա. հետո ջղայնանում են․ Փաշինյան․ ՏԵՍԱՆՅՈՒԹ
Առավոտից իրիկուն խոսեմ՝ դեմ եմ ԵՄ-ի անդամակցությանը, մեկը ինձ չի կարող պատասխանատվության ենթարկել․ Գեղամ Մանուկյան․ ՏԵՍԱՆՅՈՒԹ
Քաղաքականություն
26.03.2025 | 10:48
ԱԺ նիստում երկրորդ ընթերցմամբ քննարկվում է Եվրոպական միությանը Հայաստանի Հանրապետության անդամակցելու գործընթացի մեկնարկի մասին քաղաքացիական նախաձեռնությունը։ Ընդդիմադիր «Հայաստան» խմբակցության պատգամավոր Գեղամ Մանուկյանն ասաց, որ երկու ամիս հետաձգելուց հետո օրինագիծը դարձյալ բերել են ԱԺ օրակարգ։
«60 000 քաղաքացիները, որոնք ցանկություն էին հայտնել ԵՄ-ին անդամակցելու, նախագծում նրանց կարծիքը ներկայացվել էր որպես ժողովրդի կամարտահայտություն, և ասում էին՝ ՀՀ-ն ԵՄ է սլանում։ Երկրորդ ընթերցման ժամանակ կառավարությունը որոշել է, որ այդ 60 000-ը ժողովրդի կամարտահայտություն չէ և ձեր այդ կամարտահայտություն նախադասությունը հանել է օրինագծից։ Սա օրենք չի, սա օրենքի ծաղր է։ Եթե այս օրենքն ընդունվեց․ ես առավոտից իրիկուն խոսեմ, որ դեմ եմ ԵՄ-ի անդամակցությանը, այն հանցագործություն է, ինձ ոչ ոք պատասխանատվության չի ենթարկի»,- նկատեց պատգամավորը։
Նշենք, որ հարցի քննարկման ժամանակ ԱԺ «Հայաստան» խմբակցության քարտուղար Արծվիկ Մինասյանը տեղեկացրեց, որ խմբակցությունը չի մասնակցելու նախաձեռնության քվեարկությանը:
ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը հայտարարեց, որ խմբակցությունը կողմ է քվեարկելու քննարկվող նախաձեռնությանը:
Հիշեցնենք, որ խորհրդարանն առաջին ընթերցմամբ ընդունել էր ԵՄ-ին անդամակցելու գործընթացի մեկնարկի մասին օրինագիծը։
Մանրամասները՝ տեսանյութում։
