25.05.2026 | 12:20
Սերբիայի նախագահը հայտարարել է հնարավոր հրաժարականի մասին
2026թ-ից հետո ձեզ ահավոր ժամանակներ են սպասվում. Աղվան Վարդանյանը` իշխանությանը․ ՏԵՍԱՆՅՈՒԹ
Քաղաքականություն
25.03.2025 | 14:53
«Չենք խոսում բոլոր մյուս խոստումների մասին, որոնք ձախողել եք, կոնկրետ խոսում ենք շուրջ 500 հազար մեր կենսաթոշակառուների մասին։ Բերել ենք, դրել ենք ձեր առաջ, ասում ենք՝ խոստացել եք, պարտավորվել եք, կատարե՛ք։ Ինչո՞ւ ենք ասում օրենքով կատարեք, որովհետև վաղը դուք չեք լինելու, ուրիշ իշխանություն է լինելու։ Հարգելի՛ գործընկերներ, ես չեմ բացառում, որ էլի ինչ-որ քայլեր կձեռնարկեք մինչև 2026 թվականը, որովհետև ձեզ ահավոր ժամանակներ են սպասվում, բայց մենք ուղղակի ձեզ պարտադրում ենք՝ ձեր խոստումները կատարե՛ք և ասում ենք մեր քաղաքացիների անունից, ձեր տասնյակ ու տասնյակ ձախողված խոստումներից այս մեկը ևս դուք ձախողել եք»,- ԱԺ-ում հայտարարեց ընդդիմադիր պատգամավոր Աղվան Վարդանյանը։
Նշենք, որ ԱԺ նիտում քննարկվում է «Հայաստան» խմբակցության հեղինակած «Պետական կենսաթոշակների մասին» օրենքում լրացումներ կատարելու մասին օրենքի նախագիծն առաջին ընթերցմամբ ընդունելու մասին հարցը: «Հայաստան» խմբակցությունը նախաձեռնել է օրենքի նախագիծ, համաձայն որի առաջարկում է 2026 թվականի հունվարի 1-ից նվազագույն կենսաթոշակի չափը սահմանել այնպես, որ այն պակաս չլինի պարենային զամբյուղի ամսական արժեքից, իսկ միջին աշխատանքային կենսաթոշակի չափը պակաս չլինի սպառողական զամբյուղի ամսական արժեքից:
Մանրամասները՝ տեսանյութում։
