25.05.2026 | 12:20
Սերբիայի նախագահը հայտարարել է հնարավոր հրաժարականի մասին
Ձեր խոստումները խախտել եք, հնացած տրյուկ է․ բանավեճ՝ կենսաթոշակի շուրջ․ ՏԵՍԱՆՅՈՒԹ
Քաղաքականություն
25.03.2025 | 14:29
«Տեսե՛ք՝ քանի խոստում եք խախտել՝ արտաքին քաղաքականութուն, անվտանգային քաղաքականութուն, նույնիսկ սպորտային քաղաքականության ձեր տված խոստումներն եք խախտել, ֆուտբոլը վկա։ Հեսա գալու է ընտրությունները, ի՞նչ եք խոստանալու»,- ԱԺ նիստում հայտարարեց պատգամավոր Արթուր Խաչատրյանը։
Նա ասաց, որ իրենք առաջարկել են օրենքի նախագիծ, որով առաջարկվում է 2026 թվականի հունվարի 1-ից նվազագույն կենսաթոշակի չափը սահմանել այնպես, որ այն պակաս չլինի պարենային զամբյուղի ամսական արժեքից, իսկ միջին աշխատանքային կենսաթոշակի չափը պակաս չլինի սպառողական զամբյուղի ամսական արժեքից:
Հարակից զեկուցող, «Քաղաքացիական պայմանագիր» խմբակցության պատգամավոր Հերիքնազ Տիգրանյանը հայտնեց, որ «Պետական կենսաթոշակների մասին» օրենքում արդեն իսկ կա սկզբունք, որով ամրագրվում է, որ սոցիալական, կենսաթոշակային ապահովության ոլորտում պետության հիմնական սկզբունքն է կենսաապահովման նվազագույն բյուջեի չափի հետ համադրելի պետական կենսաթոշակի նվազագույն չափն ապահովելը, հետևաբար՝ ընդդիմությունը նույն կետն է առաջարկում։
Կենսաթոշակի բարձրացման շուրջ իշխանական և ընդդիմադիր պատգամավորները բանավիճեցին։
Հիշեցնենք, որ ԱԺ նիստում քննարկվում է «Հայաստան» խմբակցության հեղինակած՝ «Պետական կենսաթոշակների մասին» օրենքում լրացումներ կատարելու մասին օրենքի նախագիծն առաջին ընթերցմամբ ընդունելու մասին հարցը:
Մանրամասները՝ տեսանյութում։
