25.05.2026 | 13:18
Հղի կնոջ՝ մեքենայից նետվելու դեպքով ամուսինը մեկ ամսով կալանավորվել է
Սադրելու էին, անախորժություն լիներ․ Անի Խաչատրյանը՝ իրենց բոյկոտի մասին․ ՏԵՍԱՆՅՈՒԹ
Քաղաքականություն
18.03.2025 | 16:16
Երևանի ավագանու այսօրվա հերթական նիստին «ՔՊ» և «Հանրապետություն» խմբակցությունները չմասնակցեցին «Մայր Հայաստան» խմբակցության նախագծի քննարկմանը, և արդյունքում նիստ տեղի չունեցավ, քանի որ նիստ վարող չկար։
Ավագանու «Հանրապետություն» խմբակցության ղեկավար Անի Խաչատրյանը Factor TV-ի հարցին ի պատասխան ասաց, որ չմասնակցելը երկու խմբակցությունների որոշումն է եղել։
«Մնալիս տվյալ մարդուն (նկատի ունի Անդրանիկ Թևանյանին- խմբ․) պետք է հարց հղեինք, թե ինչի էր, օրինակ, ռուսական հեռուստաընկերություններում Հայաստանի անկախությունը սակարկում, դրսի՞, թե՞ ներսի պատվերով են Հայաստանին առքուվաճառքի հանել իր քաղաքական հայրերն ու քաղաքական թիմերը։ Մենք չմնացինք, քանի որ այդ հարցերն էին տրվելու, և, հետևաբար, պատասխան չունենալուց իրենք սադրելու էին, անախորժություն էր լինելու։ Բնավ դրանից չենք խուսափել, այլ պարզապես մենք տրանսպորտի մեր նախագիծն ենք ունեցել, որն ընդունվել է»,- նշեց Խաչատրյանը։
Մանրամասները՝ տեսանյութում։
Արփի Հակոբյան
