24.06.2026 | 21:29
Կալիֆոռնիայի հյուսիսում 5.6 մագնիտուդով երկրաշարժ է գրանցվել
Սպիտակ տունը «Ամերիկայի ձայնին» մեղադրում է «արմատական քարոզչության» մեջ
Քաղաքականություն
16.03.2025 | 17:49
Սպիտակ տունը շաբաթ օրը հայտարարություն է տարածել` «Ամերիկայի ձայնը» զրկվել է ֆինանսավորումից «արմատական քարոզչության» տարածման պատճառով։ Ռադիոկայանի աշխատակիցները մեղադրվում են անձամբ Դոնալդ Թրամփի դեմ ուղղված մեկնաբանություններ հրապարակելու մեջ։
ԱՄՆ նախագահ Դոնալդ Թրամփի վարչակազմը, որպես «Ամերիկայի ձայն» (VOA) ռադիոկայանի ֆինանսավորման կրճատման պատճառ, նշել է իր կողմից տարածվող ենթադրյալ «արմատական քարոզչությունը»։
«Ռադիկալ Ամերիկայի ձայնը» վերնագրված հրապարակումը մեջբերում է առանձին լրագրողների, քաղաքական գործիչների և լրատվամիջոցների տարբեր հայտարարություններ, որոնք պնդում էին, որ «Ամերիկայի ձայնը» խախտում է լրագրողական չափանիշները, և որ նրա աշխատակիցները «հակաթրամփի բովանդակություն» են տարածում սոցիալական ցանցերում:
Սպիտակ տունը նշել է, որ նախագահի գործադիր հրամանը դաշնային բյուրոկրատիայի դեմ պայքարելու համար «կապահովի, որ հարկատուներն այլևս չվճարեն արմատական քարոզչության համար»:
