26.06.2026 | 14:46
Նիդերլանդների ԱԳՆ ներկայացուցչի հետ քննարկվել են հայկական արտադրանքի արտահանման հնարավորությունները դեպի ԵՄ
Բաքվում շինծու դատական նիստում Արայիկ Հարությունյանը խոսել է Գյանջայի հրթիռակոծությունից
Քաղաքականություն
14.03.2025 | 19:02
Բաքվում շարունակվող Արցախի ղեկավարների շինծու գործերով դատական նիստում ԼՂ նախկին նախագահ Արայիկ Հարությունյանը պատասխանել է պետական մեղադանքը պաշտպանող դատախազների հարցերին։
Ադրբեջանական լրատվամիջոցների հաղորդմամբ՝ նա հայտարարել է, թե, իբր, Գյանջայի հրթիռակոծության մասին տեղեկություն է ստացել Հայաստանի զինված ուժերի գլխավոր շտաբի այն ժամանակվա պետ Օնիկ Գասպարյանից։
«Հայաստանի զինված ուժերի գլխավոր շտաբի պետը Օնիկ Գասպարյանն էր։ Ես զրույց եմ ունեցել շտաբի պետի հետ։ Առաջին փուլում նա ինձ տեղեկացրել է Գյանջայի օդանավակայանի գնդակոծության մասին։ Դրանից հետո ես նրա հետ չեմ շփվել»,- ասել է Արայիկ Հարությունյանը։
Հիշեցնենք, որ այսօր ավելի վաղ դատախազների հարցերին պատասխանել էր Արցախի նախկին նախագահ Բակո Սահակյանը։
Թարգմանությունը՝ Էմմա Չոբանյանի
