16.07.2026 | 17:02
Ուկրաինայի հեռացող ՊՆ ղեկավարը խոստովանել է ԶՈւ գլխավոր հրամանատարի հետ կոնֆլիկտի առկայությունը
«Նորքի զինված» խմբի պարագլուխ Արթուր Վարդանյանին կալանքից չազատելու որոշումը պաշտպանները կբողոքարկեն
Հասարակություն
01.10.2018 | 16:26
2015թ. Նորք-Մարաշում ԱԱԾ աշխատակիցների կողմից վնասազերծված «Զինված խմբի» գործով շուրջ մեկ տասնյակ անդամներից գրեթե բոլորն ազատության մեջ են, բացի խմբի պարագլխից։ Դատարանը այսօր մերժել է գրավի դիմաց ազատ արձակել Արթուր Վարդանյանին։ Նրա պաշտպան Սիրուշ Աղվանյանը նշեց, որ առաջիկայում պատրաստվում են բողոքարկել Արմեն Բեկթաշյանի այս որոշումը․
«Դատարանը չբավարարեց մեկ միլիոն գրավի դիմաց Արթուր Վարդանյանի խափանման միջոց կալանավորումը փոխելու վեաբերյալ միջնորդությունը։ Առաջիկայում մենք նոր միջնորդությամբ հանդես կգանք, բացի այդ նաև այս որոշումը կբողոքարկենք»։
Ըստ մեղադրանքի՝ Արթուր Վարդանյանի գլխավորած՝ 2015 թվականին Նորք-Մարաշում վնասազերծված 20 հոգանոց զինված խումբը ծրագրել է բռնությամբ զավթել իշխանությունը: Մասնավորապես, թռիչքի պահին խոցել նախագահի օդանավը, հարձակում գործել ՀՀ նախագահի նստավայրի, Ազգային ժողովի, Սահմանադրական դատարանի, Կառավարության, Հանրային հեռուստաընկերության և այլ հաստատությունների շենքերի վրա: Շուրջ երեք տարի է, ինչ այս խմբի անդամներն անազատության մեջ էին, հեղափոխությունից հետո նրանց մեծ մասի խափանման միջոց կալանավորումը փոխվեց։ Ազատ արձակվածների թվում է նաև ՀՀ պաշտպանության նախկին փոխնախարար Վահան Շիրխանյանը։
