25.05.2026 | 14:23
Երևան-Բաթումի-Երևան չվերթներ են գործարկվել
Կարող էին հայցերը հետ վերցնելու դիմաց գերիներին պահանջել. Թանդիլյան. ՏԵՍԱՆՅՈՒԹ
Քաղաքականություն
12.03.2025 | 19:08
Չե՞ք ուզում հրապարակային խոսել, 23 գերիների ընտանիքներին հրավիրեք և պատմեք՝ ամեն օր ինչ եք անում նրանց Բաքվի բանտից վերադարձնելու համար։ Այս մասին Ազատության հրապարակում հրավիրված մամուլի ասուլիսում ասաց «Ապրելու երկիր» կուսակցության համահիմնադիր Մանե Թանդիլյանը։
«Հերի՛ք է մեր ուղեղը լվանան, վախենո՞ւմ են վնասելուց, նրանք շահառու են այս վիճակի, նրանք վնասելուց չեն վախենում, օգուտ տալուց են վախենում։ Իշխանությունների օրակարգում գերիներին վերադարձնելու հարց չկա։ Ադրբեջանի դեմ հայցերը հետ են վերցնում, կարո՞ղ էին պայման լինել և այդ քայլի դիմաց գերիներին վերադարձնել․ այո՛ կարող էին, բայց չեն անում»,- ընդգծեց Թանդիլյանը։
Հիշեցնենք՝ հացադուլի 12-րդ օրը՝ այսօր, Մանե Թանդիլյանը հայտնեց, որ Ռուբեն Վարդանյանի հորդորով դադարեցնում է հացադուլը։ Թանդիլյանն այդ ծայրահեղ քայլին գնացել էր Ռուբեն Վարդանյանի համար, որը ևս հացադուլ է անում Բաքվի բանտում։
Մանրամասները՝ տեսանյութում։
