08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Բաքուն հրաժարվել է ՌԴ-ին արտահանձնել Ադրբեջանում ձերբակալված նախկին դատավոր Ելենա Խախալևային
Քաղաքականություն
10.03.2025 | 17:16
ՌԴ Քննչական կոմիտեի կողմից որպես մեղադրյալ ճանաչված, միջազգային հետախուզման մեջ գտնվող և Ադրբեջանում ձերբակալված Ելենա Խախալևայի վերաբերյալ որոշում է կայացվել, հայտնել է նրա փաստաբան Շախլա Գումբատովան։ Ադրբեջանական լրատվամիջոցների հաղորդմամբ՝ Խախալևայի արտահանձնման ՌԴ-ի պահանջը չի բավարարվել։
Ռուսաստանում հետախուզման մեջ գտնվող նախկին դատավոր Ելենա Խախալևան ձերբակալվել էր հունվարին Ադրբեջանի ՆԳՆ օդային տրանսպորտի ոստիկանության վարչության աշխատակիցների կողմից՝ Բաքվի Հեյդար Ալիևի անվան միջազգային օդանավակայանում։ Հունվարի 24-ին դատարանը Խախալևայի նկատմամբ խափանման միջոց էր ընտրել 40 օր ժամկետով կալանքը։ Խափանման միջոցն ընտրվել է հանձնման հետ կապված օրինական ընթացակարգեր իրականացնելու նպատակով։
Ռուսական կողմը Խախալևայի նկատմամբ հետախուզում է հայտարարել խարդախության և պաշտոնեական դիրքի չարաշահման մեղադրանքով, իսկ Դոնի Ռոստովի դատարանը հեռակա կալանքի որոշում է կայացրել։
Ռուսաստանի համապատասխան մարմիններին դիմում էր ներկայացվել նրա արտահանձնման համար անհրաժեշտ փաստաթղթերը տրամադրելու մասին։ Ըստ քննիչների՝ նա խաբեությամբ յուրացրել է մոտ 1,2 մլն ռուբլի, ինչպես նաև կեղծել է աշխատանքային ժամերին վերաբերող փաստաթղթեր։
ՌԴ Քննչական կոմիտեն Խախալևայի ձերբակալության մասին որոշում է կայացրել և նրա նկատմամբ հետախուզում հայտարարել 2022 թվականի մայիսի 17-ին, նրան մեղադրանք է առաջադրվել խարդախության և պաշտոնեական կեղծիքի համար։
Բաքվի վերաքննիչ դատարանը քննել է Ելենա Խախալևայի բողոքը խափանման միջոցը փոխելու վերաբերյալ։ Դատարանի փետրվարի 4-ի որոշմամբ՝ որոշում է կայացվել խափանման միջոցը փոխելու մասին, ընտրվել է ոստիկանության հսկողություն սահմանելու տարբերակը։
Թարգմանությունը՝ Էմմա Չոբանյանի
