Տնտեսություն
07.03.2025 | 22:23
Հայկական բնապահպանական ճակատը տեղեկացնում է, որ ԱԿԲԱ բանկը իր մի քանի հաճախորդների հարցմանն ի պատասխան նշել է, որ չի մասնակցելու Ամուլսարի հանքարդյունաբերական ծրագրին։ Ճակատը ֆեյսբուքյան էջում հրապարակել է գրության պատասխանը։
«Փաստորեն, կառավարության որոշումն ընդամենը «վարկավորման հնարավորություն ընձեռելու» մասին է, ոչ թե գոյություն ունեցող համաձայնության։ ԱԿԲԱ բանկը չի մասնակցելու Ամուլսարի հանքարդյունաբերական ծրագրին»,- ասված է հաղորդագրության մեջ։
Հիշեցնենք, որ Կառավարությունը որոշել է «Լիդիան Արմենիա»-ին 150 մլն դոլարի բյուջետային երաշխիք տրամադրել։
Հիմնավորման համաձայն՝ ՀՀ Կառավարության 2021-2026թթ գործունեության միջոցառումների ծրագրով նախատեսված է Ամուլսարի հանքի շահագործման ծրագրի ուղղությամբ հետևողական աշխատանքների իրականացումը, ինչը կնպաստի ՀՀ տնտեսության դիմակայունության ամրապնդմանը, հանքարդյունաբերության ոլորտի զարգացմանը, կնպաստի սահմանամերձ մարզի սոցիալ-տնտեսական ներուժի բացահայտմանը, ինչպես նաև միջնաժամկետում կապահովի պետական բյուջեի էական մուտքեր:
