03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Իսրայելը բանակցում է ԱՄՆ-ի հետ՝ Ադրբեջանի հետ եռակողմ համագործակցություն հաստատելու համար․ The Jerusalem Post
Քաղաքականություն
07.03.2025 | 22:48
Իսրայելը ներգրավված է ԱՄՆ-ի հետ բանակցություններում՝ Իսրայելի, Ադրբեջանի և ԱՄՆ-ի միջև եռակողմ համագործակցության ուժեղ հիմք հաստատելու։ Այս մասին հայտնել են Իսրայելի վարչապետի գերասենյակից, գրում է The Jerusalem Post-ը։
Այս հայտարարությունը տարածվում է՝ ի պատասխան Շաս կուսակցության պատգամավոր Սիմոն Մոշիաշվիլիի՝ Կնեսետի նիստում բարձրացված նախաձեռնության։ «Ռազմավարական դաշինքը Իսրայելի ու Ադրբեջանի միջև» քննարկման ժամանակ նա նշել էր, որ Ադրբեջանը Կովկասում Իսրայելի ռազմավարական դաշնակիցն է անվտանգության, առևտրի, տեխնոլոգիաների, էներգետիկայի ոլորտներում։
Կառավարության անունից խոսելիս Ազգային առաքելությունների գործերի նախարար Օրիթ Սթրոքն ասել է, որ Իսրայելի և Ադրբեջանի հարաբերությունները կառուցված են եզակի գործընկերության, փոխադարձ շահերի ու երկարատև բարեկամության վրա։
Նա ասել է, որ «Իսրայելը կշարունակի ամրապնդել համագործակցությունը Ադրբեջանի և ԱՄՆ-ի հետ, կկանգնի դրանք խաթարելու ցանկացած փորձի դեմ»։
Մոշիաշվիլին բարձրացրել է նաև Ադրբեջանին Աբրահամյան հանաձայնագրերում ներառելու հնարավորության հարցը։ Նա, միաժամանակ, ասել է, թե «Ադրբեջանը, որը տարածաշրջանային անվտանգության ճարտարապետության կարևոր մասերից է, տառապում է ամերիկյան պատժամիջոցներից»։
Թարգմանությունը՝ Էմմա Չոբանյանի
