09.10.2026 | 16:48
Կարեն Խաչանովը ծանր հաղթանակով մեկնարկեց Շանհայի «Մասթերսում»
ԵՄ-ն դիտարկում է կոալիցիայի ստեղծումը՝ Հունգարիայի կողմից որոշումների արգելափակմանը հակազդելու համար․ Կալլաս
Քաղաքականություն
06.03.2025 | 18:00
Եվրահանձնաժողովի փոխնախագահ, եվրոպական դիվանագիտության ղեկավար Կայա Կալլասը կոչ է արել «միասնություն և վճռականություն ցուցաբերել այս շատ բուռն ժամանակներում»։
Sky News-ի փոխանցմամբ՝ Բրյուսելում ԵՄ արտակարգ գագաթնաժողովին ժամանելիս լրագրողների հետ զրույցում Կալլասը խոսել է պաշտպանական ծախսերի արագ ավելացման կարևորության մասին։ Ուշադրության կենտրոնում է եղել նաև ԵՄ 27 անդամների միջև կոնսենսուսի հասնելու դժվարությունը։
Լրագրողներից մեկը դիվանագետին հարցրել է Բուդապեշտի կողմից Ուկրաինայի նկատմամբ ԵՄ քաղաքականության նկատմամբ բազմաթիվ վետոների մասին՝ հիշեցնելով, որ Հունգարիային ձայնի իրավունքից զրկելու առաջարկներ կային։
«Դա գնալով դժվարանում է, այդ պատճառով մենք նոր նախաձեռնության մեջ դիտարկում ենք նաև կոալիցիայի ստեղծումը, որպեսզի մի երկիր չկարողանա արգելափակել մյուսներին։ Ես չեմ խոսի Հունգարիայի անունից, մենք դեռ ձգտում ենք միասնության 27 առաջնորդների միջև, և եթե դա հնարավոր չէ, Հունգարիան կարող է խոսել իր փոխարեն»,- հայտարարել է Կալլասը։
Թարգմանությունը՝ Էմմա Չոբանյանի
