Քաղաքականություն
06.03.2025 | 13:58«Ես ասում եմ՝ 18 տարեկանը թող մի քիչ աշխատանքային փորձ ձեռք բերի, իմանա աշխատանքն ինչ ա, նոր գնա բարձր որակավորում ստանալու, չկա ըտեղ տրամաբանություն»,- այս մասին Կառավարության այսօրվա նիստում ասաց Նիկոլ Փաշինյանը։
«Ես չեմ հիշում, որ ժպիտով արված մեր որևէ ծրագիր իր նպատակին ծառայի։ Որ որոշումը նայում ենք, տեսնենք՝ ինչ է եղել, գնում տեսնում ենք դեֆորմացվել ա, ցեցը ընկել ա մեջը ու սկսել ա քայքայվել։ Հիմա սա էլ ա տենց լինելու։ Եկեք էս գլխից պրոֆիլակտիկ աշխատանքը անենք»,- նշեց Փաշիյանը։
Հիշեցնենք՝ Կառավարության այսօրվա նիստում ԿԳՄՍ նախարար Ժաննա Անդրեասյանը ներկայացրեց նախագիծ, որով կվերանայվի ուսանողների՝ արտերկրի բուհերում սովորելու կրթաթոշակային քաղաքականությունը։ Նիկոլ Փաշինյանն էլ ասաց, որ արտերկրում ուսում ստանալու մեկնած ուսանողների մեծ մասը չի վերադառնում և չի ուզում, որ այս նախագծով խթանեն արտագաղթը։ Փոխվարչապետ Մհեր Գրիգորյանն էլ ի պատասխան ասաց, որ խնդիրն այն է, որ ՀՀ տնտեսությունը չի հասցնում կամ չի ձևավորում այդ աշխատատեղերը։ Որոշման նախագիծը թեև ընդունվեց, սակայն Կառավարության անդամների քննարկման արդյունքում որոշվեց, որ պետք է մինչև աշուն մոնիթորինգ արվի սովորածների վերադարձելիության մասով վիճակագրություն ձևավորելու համար: Եթե պարզվի, որ կրթություն ստանալուց հետո ՀՀ վերադարձողների և ՀՀ-ում աշխատողների թիվը ցածր է, ապա ծրագիրը չպետք է գործի:
Մանրամասները՝ տեսանյութում։
