25.05.2026 | 17:03
Ջերմաստիճանը կբարձրանա 4-6 աստիճանով
ՀՀ-ում հաստատված իրավակարգն օրգանական կապ չունի մեզ հետ. Փաշինյան. ՏԵՍԱՆՅՈՒԹ
Քաղաքականություն
05.03.2025 | 18:51
Չորեքշաբթի կհանդիպենք քաղաքացիներին, իսկ մարզային այցերը կլինեն ոչ աշխատանքային օրերին՝ քննարկելու «Իրական Հայաստանի» գաղափարախոսության նախագծին վերաբերող հարցեր։ Այս մասին ԱԺ-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը։
Նրա տեղեկացմամբ՝ արդեն մի քանի հարյուր քաղաքացիներից հայտեր են ստացել հանդիպում կազմակերպելու համար։
«Շատ կարևոր է, որ մեր քաղաքացիներն իմանան, թե մենք ինչ նախագիծ ենք իրականացնում։ Ես միշտ մի հարց եմ բարձրաձայնել․ 1991 թվականին անկախություն հռչակեցինք, բայց այդքան էլ հստակ չէր, թե նախագիծը որն է։ 1991 թվականին չէինք ձևակերպել՝ 2018, 2020 թվականներին ՀՀ-ն ինչ պետք է ներկայացնի։ Այս համատեքստում ձևավորվեց ՀՀ-ի՝ մինչև 2050 թվականի ռազմավարությունը։ Բայց հետագա իրադարձությունները ցույց տվեցին, որ շատ կարևոր է, որ քաղաքացու հետ լինի պայմանավորվածություն ապագայի նախագծի շուրջ: Շատ կարևոր է, որ պետությունում հաստատված իրավակարգը քաղաքացին ընկալի որպես իր և ուրիշների ձեռք բերված պայմանավորվածության արդյունք։ Շատ հարցեր կան, և ինձ համար պարզ չէ, թե ինչո՞ւ է մեր հանրության արձագանքն այդպես։ Իմ եզրակացությունն այն է, որ ՀՀ-ում հաստատված իրավակարգն օրգանական կապ չունի մեզ հետ»,- եզրափակեց Փաշինյանը։
Մանրամասները՝ տեսանյութում։
