19.02.2026 | 23:00
ՀՀ ԱԺ նախագահը հայտարարում է Կոռուպցիայի կանխարգելման հանձնաժողովի անդամների պաշտոններում թեկնածուների ընտրության մրցույթ
Զելենսկին ակնարկել է նախագահական ընտրություններին մասնակցելու մասին․ «Ինձ կարող են փոխանակել ՆԱՏՕ-ին անդամակցության հետ»
Քաղաքականություն
03.03.2025 | 13:08
Ուկրաինայի նախագահ Վլադիմիր Զելենսկին հայտարարել է, որ պատրաստ է հրաժարական տալ՝ ՆԱՏՕ-ին երկրի անդամակցության դիմաց։ Այս մասին հայտարարել է նախօրեին Լոնդոնում տեղի ունեցած եվրոպացի առաջնորդների գագաթնաժողովից հետ բրիտանական լրատվամիջոցների հետ զրույցում՝ պատասխանելով Sky News-ի հարցին։
Սա տեղի է ունենում այն բանից հետո, երբ ԱՄՆ մի քանի հանրապետականներ, ներառյալ՝ սենատոր Լինդսի Գրեհեմը և Ներկայացուցիչների պալատի խոսնակ Մայք Ջոնսոնը, առաջարկել էին Զելենսկին հրաժարական տալ նախորդ ուրբաթ ԱՄՆ նախագահ Դոնալդ Թրամփի հետ Օվալաձև գրասենյակում բուռն բանավեճից հետո։
Զելենսկին առաջարկել է հրաժարական տալ՝ ՆԱՏՕ-ին Ուկրաինայի անդամակցության դիմաց, ինչը նա ներկայացնում է Ռուսաստանի հետ պատերազմի սկզբից ի վեր:
«Ես փոխանակելի եմ ՆԱՏՕ-ի հետ, ինչը կնշանակի, որ կատարել եմ իմ առաքելությունը։ ՆԱՏՕ-ին անդամակցությունը նշանակում է, որ ես կատարել եմ իմ առաքելությունը»,- հայտարարել է Զելենսկին։
Նա, միաժամանակ, ակնարկել է նախագահական ընտրություններին մասնակցելու մասին։
«Ինձ փոխելը հեշտ չի լինի, քանի որ պարզապես ընտրություններ անցկացնելը բավարար չէ։ Պետք է թույլ չտաք ինձ մասնակցել: Եվ դա մի քիչ ավելի դժվար կլինի»,- հայտարարել է Ուկրաինայի նախագահը։
Թարգմանությունը՝ Էմմա Չոբանյանի
