ԵՄ դիտորդների ներկայության պայմաններում Ադրբեջանը կորցնում է Հայաստանին սեփական պայմանները թելադրելու լծակները․ Արին Կարապետ

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Հայաստանում Եվրոպական միության դիտորդական առաքելության գործունեության շուրջ Ադրբեջանից հնչող մեղադրանքները պայմանավորված են այն հանգամանքով, որ հայ-ադրբեջանական սահմանին դիտորդների առկայության պարագայում Բաքուն կորցնում է սեփական պայմանները թելադրելու լծակները։

«Արմենպրես»-ի թղթակցի հետ զրույցում նման տեսակետ է հայտնել Շվեդիայի խորհրդարանի հայ պատգամավոր Արին Կարապետը՝ անդրադառնալով Հայաստանում Եվրոպական միության դիտորդական առաքելության իրականացրած գործունեության շուրջ Ադրբեջանում առկա մշտական դժգոհություններին և այդ համատեքստում Հայաստանին ուղղված մեղադրանքներին։

«Իմ կարծիքով Ադրբեջանի դժգոհությունները պայմանավորված են այն հանգամանքով, որ ԵՄ դիտորդների առկայության պարագայում Բաքուն կորցնում է սեփական պայմանները թելադրելու լծակները։ Հայաստանի համար առաքելության աշխատանքը կարևոր է, քանի որ դրանով Երևանն աշխարհին ցույց է տալիս, թե ով է իրականում խախտում հրադադարը»,-ընդգծել է պատգամավորը։

Արին Կարապետն, անդրադառնալով Հայաստանի Հանրապետությունում արդեն երկու տարուց ավելի գործունեություն ծավալող Եվրոպական միության դիտորդական առաքելության մանդատի ժամկետը ևս 2 տարով երկարաձգելու մասին Եվրոպական խորհրդի որոշմանը, նշեց, որ Բրյուսելի կողմից ընդունած այդ որոշումը չափազանց կարևոր է՝ հատկապես հաշվի առնելով դիտորդական առաքելության դերակատարումը Հարավային Կովկասում խաղաղության հաստատման գործում։

«Կարծում եմ, որ Հայաստանում ԵՄ դիտորդական առաքելությունն արդյունավետ մեխանիզմ է նաև տարածաշրջանում երկարաժամկետ փոխադարձ վստահության կառուցման տեսանկյունից»,-ընդգծել է Արին Կարապետը։

Նրա համոզմամբ՝ ԵՄ դիտորդական առաքելության մանդատի երկարաձգումը շատ կարևոր է նաև հենց Հայաստանի համար՝ որպես ազատ, ժողովրդավարական երկիր։

«Բացի այդ, Հայաստանն այդ առաքելության և վերջինիս պարեկությունների միջոցով կարող է ինչ-որ չափով ապահովել կայունություն իր սահմաններին»,-շեշտել է պատգամավորը՝ վերահաստատելով այն միտքը, որ առաքելության կատարած աշխատանքը կարևոր է ինչպես Հայաստանի, այնպես էլ հենց Հարավային Կովկասի համար։

Անդրադարձ կատարելով այն հանգամանքին, որ Ադրբեջանը ԵՄ առաքելությանը մեղադրում է լրտեսական գործողություններ իրականացնելու մեջ՝ Շվեդիայի խորհրդարանի պատգամավորը նկատել է, որ առաքելությունը քաղաքացիական բնույթ է կրում, ուստի նրանց ուղղված ադրբեջանական մեղադրանքները տեղին չեն։

«Հայաստանում ԵՄ դիտորդական առաքելությունը քաղաքացիական է, որի նպատակն է ապահովել սահմանների անվտանգությունը, բարձրացնել կողմերի միջև վստահությունը և անվտանգության զգացումը սահմաններին մոտ բնակվող քաղաքացիների շրջանում, ինչպես նաև հասնել Հայաստանի և Ադրբեջանի միջև հարաբերությունների կարգավորման վերջնակետին՝ խաղաղության պայմանագրին»,-նշել է Արին Կարապետը։

Պատգամավորն անդրադարձել է նաև Ադրբեջանից հնչող հայտարարություններին, թե Հայաստանը չպետք է սպառազինություն ձեռք բերի։

Նրա խոսքով՝ Բաքուն իրավունք չունի նմանատիպ մեղադրանքներ հնչեցնել, քանի որ սեփական անվտանգության ապահովման ուղղությամբ իրականացվող քայլերը ցանկացած ինքնիշխան պետության, այդ թվում՝ Հայաստանի իրավունքն է։

«Պաշտպանական սպառազինության ձեռքբերումը Հայաստանի Հանրապետության ինքնիշխան իրավունքն է՝ պաշտպանելու համար սեփական տարածքային ամբողջականությունը։ Հայաստանի իրավունքն է նաև սեփական բանակի վերափոխումը և դրանում բարեփոխումների իրականացումը»,-նշել է Արին Կարապետը։