09.10.2026 | 09:42
Անտոնիո Ֆերնանդեսը հրապարակել է ֆուտզալի Հայաստանի հավաքականի կազմը
Զելենսկին 33 անգամ շնորհակալություն է հայտնել ամերիկացիներին և ԱՄՆ առաջնորդներին․ CNN
Քաղաքականություն
02.03.2025 | 16:22
Փետրվարի 28-ին ԱՄՆ-ում տեղի ունեցած խիստ լարված հանդիպման ժամանակ ԱՄՆ նախագահ Դոնալդ Թրամփն ու փոխնախագահ Ջեյ Դի Վենսը Ուկրաինայի նախագահ Վլադիմիր Զելենսկուն ասել են, որ նա բավարար չափով երախտապարտ չէ։
«Դուք պետք է երախտապարտ լինեք։ Ձեր ձեռքում ուժեղ խաղաքարտեր չկան»,- ասել է Թրամփը՝ մի փոքր ուշ հավելելով. «Դուք պետք է ավելի երախտապարտ լինեք»։
«Դուք այս հանդիպման ընթացքում գոնե մեկ անգամ շնորհակալություն ասե՞լ եք»,- հարցրել է Վենսը։
CNN-ը գրում է, որ Զելենսկին բազմիցս շնորհակալություն է հայտնել Միացյալ Նահանգներին պատերազմի սկզբից ի վեր՝ երախտագիտություն հայտնելով Թրամփին և նախագահ Ջո Բայդենին, Կոնգրեսի անդամներին, ամերիկյան պաշտպանական ընկերություններին և նրանց աշխատակիցներին և ամերիկացի ժողովրդին:
Ուրբաթ օրը Զելենսկին Սպիտակ տնից հեռանալուց հետո գրել է X-ում. «Շնորհակալություն Ամերիկա, շնորհակալություն ձեր աջակցության համար, շնորհակալություն այս այցի համար: Շնորհակալություն ԱՄՆ նախագահին, Կոնգրեսին և Ամերիկայի ժողովրդին: Ուկրաինային արդար և կայուն խաղաղություն է պետք, և մենք աշխատում ենք հենց դրա համար»:
Լրատվամիջոցը 33 օրինակով ցույց է տվել, թե ինչպես է 2022 թվականի հունվարի 21-ից մինչ օրս Զելենսկին շնորհակալություն հայտնել Միացյալ Նահանգներին, նրա պաշտոնյաներին կամ ժողովրդին աջակցության համար:
