17.07.2026 | 22:56
Հայաստանի համար էբոլայի ներթափանցման և տարածման ռիսկը շարունակում է գնահատվել ցածր. ՀՎԿԱԿ
Բաքուն արձագանքել է Սումգայիթում հայերի ջարդերի վերաբերյալ ՀՀ ԱԳՆ-ի հայտարարությանը
Քաղաքականություն
28.02.2025 | 11:20
Պաշտոնական Բաքուն արձագանքել է Սումգայիթում հայերի ջարդերի վերաբերյալ Հայաստանի ԱԳՆ-ի հայտարարությանը։
«Սումգայիթի դեպքերի վերաբերյալ փետրվարի 27-ի հայտարարության մեջ Հայաստանի ԱԳ նախարարության կողմից մեր երկրի հասցեին հնչեցրած պնդումները ոչ միայն լիովին անհիմն են, այլև պատմական փաստերի խեղաթյուրում և կեղծում»,- ասվում է Ադրբեջանի ԱԳՆ մամուլի խոսնակ Այխան Հաջիզադեի հայտարարության մեջ։
Բաքուն հերթական կեղծ քարոզչական թեզերով խեղաթյուրում է պատմական փաստերը՝ նշելով, թե, իբր, «այս հայտարարությունը Հայաստանի կողմից 1980-ականների վերջից ի վեր փորձ է թաքցնել բռնի գործողությունները՝ ուղղված Ադրբեջանի նկատմամբ անհիմն և անօրինական տարածքային պահանջների իրականացմանը, Հայաստանի տարածքում բնակվող ադրբեջանական բնակչության զանգվածային արտաքսմանը, էթնիկ դրդապատճառներով սադրանքներին և ռազմական ուժի կիրառմանը»։
Ադրբեջանի ԱԳՆ-ն նաև Հայաստանին է մեղադրել Սումգայիթի իրադարձությունների համար՝ հայտարարելով, թե, իբր, «Սումգայիթում էթնիկ դրդապատճառներով անկարգությունները ԽՍՀՄ և Հայաստանի ղեկավարության, հայ շովինիստ գաղափարախոսների և ծայրահեղական կազմակերպությունների ծրագրած նպատակաուղղված սադրանքների անբաժանելի մասն էին»։
«Հայկական կողմը, մեղադրանքներ հնչեցնելու փոխարեն, թե 2023 թվականին հայերի նկատմամբ իրականացվել է էթնիկ զտումների քաղաքականություն, ավելի օգտակար կլիներ՝ դիտարկեր ադրբեջանցիների և ադրբեջանական ժառանգության դեմ կատարված հանցավոր գործողությունները ոչ միայն ներկայիս Հայաստանի տարածքում, այլև օկուպացիայի ժամանակ»,-հայտարարել է Հաջիզադեն։
Թարգմանությունը՝ Էմմա Չոբանյանի
