07.09.2026 | 10:03
Արտարժույթների փոխարժեքները՝ սեպտեմբերի 7-ի դրությամբ
Ադրբեջանը փորձում է խոչընդոտել և թույլ չտալ, որ ՀՀ-ում լինեն սահմանադրական բարեփոխումներ․ Եղոյան․ ՏԵՍԱՆՅՈՒԹ
Քաղաքականություն
25.02.2025 | 14:56
«Այո՛, Ադրբեջանի փոխարտգործնախարարի հայտարարությունը խոչընդոտ է Հայաստանի Սահմանադրական բարեփոխումներին»,- այս մասին ՀՀ-ԵՄ խորհրդարանական գործընկերության կոմիտեի համանախագահների ասուլիսում ասաց ԱԺ Եվրոպական ինտեգրման մշատական հարցերի հանձնաժողովի նախագահ Արման Եղոյանը։
«Ադրբեջանի ներկայացուցիչները հրաշալի իմանալով, թե ինչ ռեակցիա է դա բերելու Հայաստանում, ցանկանում են նմանատիպ հայտարարություններով թույլ չտալ Հայաստանում կատարել Սահմանադրական բարեփոխումներ։ Ես այդպես եմ դա գնահատում»,-նշեց Եղոյանը։
Հիշեցնենք, որ Ադրբեջանի ԱԳ փոխնախարար Էլնուր Մամեդովը ՄԱԿ մարդու իրավունքների խորհրդի 58-րդ նստաշրջանի բարձրաստիճան հատվածում իր ելույթում, մասնավորապես, ասել է. «Այս պահին մենք ակնկալում ենք, որ Հայաստանը կհաղթահարի կարգավորման գործընթացի հիմնական խոչընդոտը՝ Սահմանադրության փոփոխությունների միջոցով օրինական կերպով հրաժարվելով Ադրբեջանի նկատմամբ տարածքային պահանջներից»։
