08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Մակրոնը հայտարարել է, որ ՌԴ-Ուկրաինա պատերազմում զինադադարը կարող է համաձայնեցվել առաջիկա շաբաթների ընթացքում
Քաղաքականություն
25.02.2025 | 16:04
Ֆրանսիայի նախագահ Էմանուել Մակրոնը հայտարարել է, որ Ուկրաինայի և Ռուսաստանի միջև զինադադարը կարող է համաձայնեցվել առաջիկա շաբաթներին։ Այս մասին նա ասել է Fox News-ին տված հարցազրույցում Սպիտակ տանը ԱՄՆ նախագահ Դոնալդ Թրամփի բանակցություններից հետո, գրում է BBC-ն։
ԱՄՆ նախագահը, որը հայտարարել էր, որ պատերազմը կարող է ավարտվել «շաբաթների ընթացքում», պնդել է, որ Եվրոպան պետք է իր վրա վերցնի Ուկրաինայի համար խաղաղապահ ցանկացած գործարքի արժեքը և բեռը:
Մակրոնն իր հերթին ասել է, որ Ուկրաինայում ցանկացած խաղաղ համաձայնագիր չպետք է լինի «Ուկրաինայի հանձնում» և պետք է ապահովվի անվտանգության երաշխիքներով։ Ըստ Ֆրանսիայի նախագահի՝ Թրամփի՝ երկրորդ ժամկետով Սպիտակ տուն գալը «խաղը փոխել է»։
Ֆրանիսայի նախագահը կարծում է, որ «իրագործելի է» շաբաթների ընթացքում խոսել պատերազմում զինադադարի և կայուն խաղաղության համար բանակցություններ սկսելու մասին: Նա նշել է, որ մարտական գործողությունների դադարեցման շուրջ բանակցությունները կվերաբերեն «անվտանգության երաշխիքներին, հողին և տարածքներին»:
Ուկրաինայի ինքնիշխանությանը ԱՄՆ-ի հավատարմությունն ապահովելու լավագույն միջոցներից մեկը, Մակրոնի խոսքով, կլինի կարևոր օգտակար հանածոների վերաբերյալ գործարքը, որը ներկայում բանակցվում է Վաշինգտոնի և Կիևի միջև:
Թարգմանությունը՝ Էմմա Չոբանյանի
