10.04.2025 | 20:43
Անահիտ Ավանեսյանն աշխատանքային հանդիպում է ունեցել դեղ ներմուծող ընկերությունների ներկայացուցիչների հետ
Ալիևը հայտարարել է, որ Ադրբեջանը գոհ է Պակիստանից գնված ռազմական տեխիկայի որակից և համատեղ արտադրություն է առաջարկում
Քաղաքականություն
25.02.2025 | 22:13
Ադրբեջանն ու Պակիստանը քննարկել են պաշտպանության, ինչպես նաև պաշտպանական արդյունաբերության ոլորտում համագործակցությանը նվիրված հարցեր։ Այս մասին հայտարարել է Ադրբեջանի նախագահ Իլհամ Ալիևը Պակիստանի վարչապետ Մուհամմադ Շահբազ Շարիֆի հետ մամուլի համար արված հայտարարության մեջ։
«Ադրբեջանն արդեն ձեռք է բերել Պակիստանի պաշտպանական արդյունաբերության կողմից արտադրված տեխնիկա, և մենք շատ գոհ ենք դրա որակից։ Զուգահեռաբար քննարկել ենք պաշտպանական արդյունաբերության արտադրանքի համատեղ արտադրության հնարավորությունները, որոնք կդառնան մեր համագործակցության ևս մեկ կարևոր ուղղություն։ Մենք գիտենք, որ Պակիստանն ունի շատ զարգացած պաշտպանական արդյունաբերություն։ Ադրբեջանը նույնպես զարգացնում է իր ներուժը»,- ասել է Ալիևը։
Նա նշել է, որ համատեղ արտադրությամբ արտահանմանն ուղղված մատակարարումներն է՛լ ավելի կմեծանան։
Թարգմանությունը՝ Էմմա Չոբանյանի
