14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
ԹԵԺ ԲԱՆԱՎԵՃ․ Թրամփը կհանձնի՞ Ուկրաինան Պուտինին, թե՞ Եվրոպան կդիմագրավի
Հաղորդաշարեր
21.02.2025 | 21:30
Պատերազմի չորրորդ տարին կարող է ճակատագրական լինել Ուկրաինայի, Եվրոպայի անվտանգության համար։ Մեծ է հավանականությունը, որ Պուտինը և Թրամփը կհանդիպեն՝ քննարկելու ինչպես ՌԴ-ԱՄՆ հարաբերությունները, այնպես էլ որոշելու ռուս-ուկրաինական պատերազմի ընթացքը։ Փաստն այն է, որ 2022-ի փետրվարի 24-ից՝ Ուկրաինայի վրա հարձակումից ի վեր ԱՄՆ-ի և ԵՄ-ի ծանր պատժամիջոցների տակ հայտնված ՌԴ-ն այսօր հնարավորություն է ստացել ուկրաինական տարածքները ամրագրել որպես Ռուսաստանինը։ ԱՄՆ նորընտիր նախագահ Թրամփի ադմինիստրացիան հայտարարում է, թե Ուկրաինան չի կարող վերադարձնել ՌԴ-ի զավթած տարածքները, պատերազմը ֆինանսավորելը սխալ է, քանի որ Ուկրաինան չի հաղթելու, և որ՝ Ուկրաինան ՆԱՏՕ-ին չի անդամակցի։
Թրամփն ու Պուտինը գուցե որոշեն պատերազմը կանգնեցնել՝ որոշակի կանոններով, սակայն դեռ Ուկրաինան և Եվրոպան ևս պետք է ընդունելի համարեն այդ պայմանները։ Եվրոպական երկրները՝ Ֆրանսիայի, Մեծ Բրիտանիայի, Գերմանիայի առաջնորդությամբ՝ առաջնահերթ են համարում Ուկրաինային անվտանգային ուժեղ երաշխիքների տրամադրան հարցը։ Իսկ ՌԴ-ն հայտարարում է, թե ՆԱՏՕ անդամ երկրների զորքերի տեղակայումն Ուկրաինայի տարածքում անթույլատրելի է։ Ուկրաինան իր հերթին պնդում է՝ պետք է բացառվեն ՌԴ-ի նոր ագրեսիաները իր դեմ։ Արդյո՞ք ԱՄՆ-ի նոր վարչակարգը պետք է հաշվի առնի Ռուսաստանի պահանջները և պայմանները, թե՞ կոշտ ռեալ պոլիտիկի մեթոդները կգործեն և Ուկրաինայի անվտանգության շահերի հաշվին կկանգնի պատերազմը։
Factor TV-ում հրավիրված քննարկմանը մասնակցում են Գայանե Աբրահամյանը՝ «Հանուն հավասար իրավունքների կենտրոն» ՀԿ ղեկավար, Արա Պապյանը՝ ԱԺԲ խորհրդի անդամ, դիվանագետ, Անդրիաս Ղուկասյանը՝ Հայ կառուցողական կուսակցության նախագահ, քաղաքագետ, Վարդան Խաչատրյանը՝ «Միացյալ Հայաստան» կուսակցության փոխնախագահ, Մեսրոպ Առաքելյանը՝ «Ապրելու երկիր» կուսակցության համահիմնադիր։
Մանրամասները տեսանյութում։
Ռոբերտ Անանյան
