08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Դանակահարություն․ նախնական տեղեկություներով՝ ձնագնդիի հարվածից հետո
Հասարակություն
21.02.2025 | 10:59
Երեկ անչափահասի դանակահարության դեպք է գրանցվել։ Փետրվարի 20-ին ժամը 23.07 ին ոստիկանության օպերատիվ կառավարման կենտրոն հաղորդում է ստացվել «Սուրբ Աստավածամայր» բժշկական կենտրոնից, որ դանակով հարվածելու հետևանքով «ձախ ազդրի կտրած ծակած վերք» ախտորոշմամբ իրենց մոտ է տեղափոխել 16-ամյա մի քաղաքացի։
Համայնքային ոստիկանության Մարաշի բաժնի ծառայողների ձեռնարկված միջոցառումների արդյուքում պարզվել է, որ Տիգրան Մեծի պողոտայի շենքերից մեկի բակում վիճաբանություն է տեղի ունեցել, որի հետևանքով 16-ամյա երիտասարդին դանակահարել է 49-ամյա հարևանը։ Նա ձերբակալվել և տեղափոխվել է Համայնքային ոստիկանության Մարաշի բաժին։
Ձեռնարկվում են միջոցառումներ հանցագործության գործիք դանակը հայտնաբերելու ուղղությամբ: Տղամարդը և կազմված փաստաթղթերը ներկայացվել են նախաքննական մարմին։
Ըստ մամուլում տարածված տեղեկությունների՝ վիճաբանությունը ծագել է ձնագնդիով հարվածելու հետևանքով։
