16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ԱՄՆ-ը կարող է երաշխավորել Ուկրաինայի անդամակցությունը ՆԱՏՕ-ին, եթե խախտվեն խաղաղության պայմանները. NBC
Քաղաքականություն
20.02.2025 | 15:17
ԱՄՆ իշխանությունները դիտարկում են Ուկրաինային ՆԱՏՕ-ին ինքնաբերաբար անդամակցության հնարավորությունը, եթե Ռուսաստանը խախտի խաղաղության պայմանները, հայտնում է NBC News-ը՝ հղում անելով իր աղբյուրներին։
Դրույթն առաջարկվում է ներառել ապագա խաղաղության համաձայնագրում՝ ի պատասխան դաշնակիցների մտավախություններին, որ Ռուսաստանը ռազմական գործողությունները կվերսկսի զինադադարից հետո, նշում է հեռուստաալիքը։
NBC News-ի փոխանցմամբ՝ Ուկրաինայի նախագահ Վլադիմիր Զելենսկիի հետ հանդիպման ժամանակ ԱՄՆ ֆինանսների նախարար Սքոթ Բեսենթը բացատրել է, որ Կիևին անվտանգության երաշխիքներ տրամադրելն ուղղակիորեն կապված է հազվագյուտ մետաղների մասին համաձայնագրի հետ։ Կիևում կայացած բանակցությունների ժամանակ Զելենսկին խոստացել է ուսումնասիրել առաջարկը, ինչին ԱՄՆ գանձապետարանի ղեկավարը պատասխանել է, որ մեկ ժամ ժամանակ ունի այն ստորագրելու համար, հայտնել են թերթի աղբյուրները։
Ավելի վաղ Դոնալդ Թրամփը մեղադրել էր Ուկրաինային գործարքը խափանելու մեջ, որը թույլ կտար ԱՄՆ-ին հասանելիություն ունենալ հազվագյուտ հողային մետաղներին՝ Կիևին աջակցելու ծախսերը փոխհատուցելու համար:
Վլադիմիր Զելենսկին արդեն երկու անգամ հրաժարվել է ստորագրել փաստաթուղթը, քանի դեռ այն չի ներառել անվտանգության երաշխիքների վերաբերյալ դրույթներ։ Այնուամենայնիվ, ԱՄՆ նախագահը խոստացել է «վերակենդանացնել գործարքը»։
Թարգմանությունը՝ Տաթև Ֆռանգյանի
