14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Չինաստանը հրաժարվել է քննարկել Ուկրաինա խաղաղապահ զորակազմ ուղարկելու հարցը
Քաղաքականություն
18.02.2025 | 21:44
Չինաստանը մտադիր չէ քննարկել իր խաղաղապահ զորակազմն Ուկրաինա ուղարկելու հարցը՝ վերահսկելու խաղաղության համաձայնագրի կատարումը։ Այս մասին հայտարարել է Չինաստանի ԱԳՆ պաշտոնական ներկայացուցիչ Գո Ցզյակունը, փոխանցում է The Moscow Times-ը։
Նրա խոսքով՝ Պեկինը միշտ հանդես է եկել ռուս-ուկրաինական ռազմական հակամարտությունը երկխոսության և բանակցությունների միջոցով լուծելու օգտին։
«Վերջին իրադարձություններն ապացուցեցին, որ Չինաստանի առաջարկները եղել են օբյեկտիվ, արդար, ռացիոնալ և պրագմատիկ»,- ասել է Գուո Ցզյակունը։
Նա ողջունել է Սաուդյան Արաբիայում ԱՄՆ-Ռուսաստան բանակցությունների սկիզբը՝ ընդգծելով, որ «Չինաստանն ակնկալում է, որ բոլոր շահագրգիռ կողմերը ժամանակին կմասնակցեն» խաղաղության երկխոսությանը։
Մինչ այդ, ըստ The Economist-ի, ԱՄՆ նախագահ Դոնալդ Թրամփի վարչակազմն առաջարկել է Ուկրաինայում հրադադարի գծի երկայնքով խաղաղապահ զորախումբ տեղակայել Չինաստանից և Բրազիլիայից՝ ԵՄ երկրների զինվորականների հետ միասին։
Թարգմանությունը՝ Տաթև Ֆռանգյանի
