23.04.2025 | 10:53
Վաղը ցերեկը ցիկլոնը կկորցնի իր ուժը, և կարճատև անձրևներ կլինեն միայն հանրապետության հյուսիսային մարզերում․ Գագիկ Սուրենյան
ՀՀ-ի և Ադրբեջանի միջև խաղաղությունն օգուտ կբերի ոչ միայն տարածաշրջանին, այլև ամբողջ աշխարհին․ Բաքվում Թուրքիայի նորանշանակ դեսպան
Քաղաքականություն
18.02.2025 | 15:35
Ադրբեջանի և Հայաստանի միջև վերջնական խաղաղությունն օգուտ կբերի ոչ միայն տարածաշրջանին, այլև ամբողջ աշխարհին։ Այս մասին հայտարարել է Բաքվում Թուրքիայի նորանշանակ դեսպան Բիրոլ Աքգյունը Խազարի համալսարանում «Տեխնոլոգիաների աշխարհաքաղաքականություն» թեմայով սեմինարի ժամանակ ունեցած ելույթում, գրում են ադրբեջանական լրատվամիջոցները։
Նա նշել է, որ «Թուրքիան կշարունակի խորացնել եղբայրական հարաբերություններն Ադրբեջանի հետ, որոնք ռազմավարական բնույթ են կրում»։ Դիվանագետն անդրադարձել է նաև Ադրբեջանի և Հայաստանի միջև հարաբերությունների կարգավորման գործընթացին։
«Տարածաշրջանում խաղաղության հաստատումը մեծ օգուտներ կբերի ոչ միայն տարածաշրջանի երկրներին, այլև ամբողջ աշխարհին»,- ասել է նա։
Թարգմանությունը՝ Էմմա Չոբանյանի
