19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Իսրայելական բանակը լքում է հարավային Լիբանանը՝ իր վերահսկողության տակ թողնելով հինգ կետ
Քաղաքականություն
18.02.2025 | 14:21
Իսրայելի բանակը գրեթե ամբողջությամբ դուրս է բերվել հարավային Լիբանանից, սակայն հինգ կետ մնում է նրա վերահսկողության տակ, հաղորդում է Իսրայելի բանակի ռադիոն:
«Իսրայելական բանակն ավարտել է զորքերի դուրսբերումը հարավային Լիբանանից սահմանված ժամկետներին համապատասխան՝ բացառությամբ հինգ տեղամասերի»,- ասվում է հաղորդագրության մեջ։
«Ալ Մանար» հեռուստաալիքը հաստատել է իսրայելական զորքերի դուրսբերումը՝ հայտնելով, որ լիբանանյան բանակը մտել է հարավային Լիբանանի Մայս ալ-Ջաբալ, Բլիդա և Մահբիբ քաղաքներ այն բանից հետո, երբ իսրայելական զորքերը հեռացել են:
The Jerusalem Post-ը նշել է, որ Իսրայելը «սահմանային պաշտպանության գծում մոտ երեք անգամ ավելի շատ զորք կպահի, քան պատերազմից առաջ»։ Նրանք կզբաղեցնեն հինգ ֆորպոստ Լիբանանի հարավում՝ սահմանի մոտ։ Զորքերի թիվը կարող է կազմել «մինչև 10,000-15,000 մարդ՝ կախված տարբեր հանգամանքներից»։
The Times of Israel-ը երեկ հայտնել է, որ Իսրայելի բանակի հրամանատարությունը հույս է հայտնել, որ լիբանանյան զինված ուժերն ավելի ակտիվ կգործեն արմատական «Հըզբոլլահ» շարժման դեմ՝ նշելով, որ լիբանանյան զինվորականների ձեռնարկած միջոցներն այնքան արդյունավետ չեն, որքան իսրայելական կողմն էր սպասում։
Թարգմանությունը՝ Տաթև Ֆռանգյանի
