08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բաքուն շարունակում է հետևել է ՀՀ տարածքում ԵՄ դիտորդների պարեկություններին․ ՏԵՍԱՆՅՈՒԹ
Քաղաքականություն
18.02.2025 | 12:28
Բաքուն շարունակում է դիտարկել Հայաստանում տեղակայված ԵՄ քաղաքացիական դիտորդների տեղաշարժն ու հետևել սահմանի տարբեր հատվածներում նրանց կողմից իրականացված պարեկություններին։ Ադրբեջանական լրատվամիջոցները կրկին երկրի սահմանապահ ծառայության տեսանյութն են հրապարակել, որտեղ երևում է, թե ինչպես են ԵՄ դիտորդները պարեկություն իրականացնում։
Ադրբեջանական լրատվամիջոցները նշում են, որ «փետրվարի 17-ին եվրոպացի դիտորդները ժամանել են Ղազախի շրջանին սահմանակից տարածք, նրանք շրջել են մեքենաներով և հեռադիտակով դիտարկել Ադրբեջանի տարածքը»։
Հաղորդվում է, թե «դիտորդական առաքելության գործողությունները վերահսկել և արձանագրել են ադրբեջանցի սահմանապահները»։
Հիշեցնենք, որ վերջին շրջանում Ադրբեջանի պետական սահմանապահ ծառայությունը պարբերաբար է տեսանյութեր հրապարակում Հայաստանում ԵՄ դիտորդների տեղաշարժից։
Թարգմանությունը՝ Էմմա Չոբանյանի
