Քաղաքականություն
17.02.2025 | 22:43
Պակիստանի վարչապետ Շահբազ Շարիֆի այցը Ադրբեջան տեղի կունենա փետրվարի 24-ին։ Այս մասին հայտնում են ադրբեջանական լրատվամիջոցները՝ վկայակոչելով պակիստանյան աղբյուրներին։
«Այցն Ադրբեջան կսկսվի փետրվարի 24-ին, վարչապետն այնտեղ կմնա երեք օր։ Բաքվում կստորագրվեն Պակիստանում 2 միլիարդ դոլարի ներդրումների մասին համաձայնագրեր»,- գրում են լրատվամիջոցները։
Նշվում է, որ ներդրումային համաձայնագրերը կենտրոնանալու են նավթի և գազի հետախուզման, վերականգնվող էներգիայի և էներգաարդյունավետության վրա՝ ճանապարհ հարթելով այդ կարևոր ոլորտներում հետագա համագործակցության համար։
Ակնկալվում է, որ Շարիֆը նաև հանդիպում կանցկացնի Ադրբեջանի բիզնես ղեկավարների հետ ու ադրբեջանական ընկերություններին կհրավիրի ներդրումներ անել Պակիստանում և ձեռնարկել բիզնես ձեռնարկություններ։
Ադրբեջանից հետո Պակիստանի վարչապետը երկօրյա այցով կմեկնի Ուզբեկստան։
Թարգմանությունը՝ Էմմա Չոբանյանի
