22.06.2026 | 11:39
Իրանում ՀՀ դեսպանը քննարկել է հայ-իրանական փոստային համագործակցության ընդլայնման հարցեր
Դամասկոսում Ադրբեջանի դեսպանատունը վերսկսել է գործունեությունը
Քաղաքականություն
17.02.2025 | 21:47
13 տարվա ընդմիջումից հետո Սիրիայի մայրաքաղաք Դամասկոսում Ադրբեջանի դեսպանատունը վերսկսել է գործունեությունը, հայտնում է Ադրբեջանի ԱԳՆ-ն։
Հաղորդվում է, որ այդ նպատակով գործերի ժամանակավոր հավատարմատարն արդեն ուղարկվել է Դամասկոս և սկսել է աշխատանքները։
«Ադրբեջանի Հանրապետությունը, հիմնվելով միջազգային իրավունքի սկզբունքների վրա, աջակցում է Սիրիայում կայուն խաղաղության և կայունության հաստատմանը։ Այս կարևոր ժամանակահատվածում, երբ Ադրբեջանի և Սիրիայի միջև բարեկամության և համագործակցության հարաբերությունները թևակոխում են որակապես նոր փուլ, և նոր հնարավորություններ են բացվում քաղաքական, տնտեսական, մշակութային և այլ ոլորտներում գործընկերության զարգացման համար, մեր դեսպանությունը սերտորեն կհամագործակցի Սիրիայի անցումային կառավարության հետ՝ աջակցելով երկկողմ հարաբերությունների զարգացմանը»,- ասվում է հայտարարության մեջ։
Ավելի վաղ Ադրբեջանի նախագահ Իլհամ Ալիևը հեռախոսազրույց էր ունեցել Սիրիայի անցումային նախագահ Ահմեդ ալ Շարաայի հետ։
Թարգմանությունը՝ Էմմա Չոբանյանի
