14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
ԱՄՆ-ն առաջարկել է Չինաստանից և Բրազիլիայից խաղաղապահներ ուղարկել Ուկրաինա
Քաղաքականություն
17.02.2025 | 20:12
ԱՄՆ նախագահ Դոնալդ Թրամփի վարչակազմն առաջարկել է Ուկրաինայում հրադադարի գծի երկայնքով Չինաստանից և Բրազիլիայից խաղաղապահ ուժեր տեղակայել, որոնք այնտեղ կլինեն ԵՄ երկրների զինվորականների հետ միասին, գրում է The Economist-ը։
Պարբերականի համաձայն՝ ԱՄՆ փոխնախագահ Ջեյ Դի Վենսը Մյունխենում եվրոպացի պաշտոնյաների հետ շփումների ժամանակ նշել է, որ միայն եվրոպացիներից կազմված ուժերն ավելի պակաս արդյունավետ կլինեն ՌԴ-ի հնարավոր ագրեսիայի դեպքում։
Միևնույն ժամանակ, ԵՄ առաջնորդները մտադիր են Փարիզում կայանալիք արտակարգ գագաթնաժողովում քննարկել Ուկրաինայի անվտանգությունն ապահովելու կոնկրետ ծրագրերը: Իրավիճակին ծանոթ աղբյուրների խոսքով՝ հավաքի գլխավոր թեման կլինի Ուկրաինայում զորքերի հնարավոր տեղակայումը ոչ թե ապագա հրադադարի գծի երկայնքով, այլ դրա հետևում՝ որպես խաղաղության համաձայնագրի կիրարկման երաշխիք։
Թրամփի թիմը նախկինում բացառել էր Ուկրաինա ամերիկյան զորքեր տեղակայելու հնարավորությունը, սակայն եվրոպացի պաշտոնյաները FT-ին ասել են, որ Վաշինգտոնը պատրաստ է «արտաքին աջակցություն» տրամադրել ՆԱՏՕ-ի զորքերին, որոնք խաղաղապահ առաքելություն են իրականացնում հակամարտության գոտում:
Թարգմանությունը՝ Տաթև Ֆռանգյանի
