02.10.2026 | 10:47
Փաշինյանն առցանց ձևաչափով մասնակցում է Մինսկում ընթացող Եվրասիական միջկառավարական խորհրդի նիստին
ԲԱՆԱՎԵՃ․ ՀՀ-ն սկսում է ԵՄ-ին անդամակցելու պրոցես. կառավարելի՞ են ռիսկերը
Քաղաքականություն
14.02.2025 | 21:00
Շուտով Հայաստանի խորհրդարանը նաև երկրորդ ընթերցմամբ կքվեարկի ԵՄ-ին անդամակցելու պրոցեսի մեկնարկ նախատեսող օրենքի նախագծին, և , մեծ հավանականությամբ, այն ուժի մեջ կմտնի ամբողջությամբ։ Այսպիսով, Հայաստանը պաշտոնապես կհայտարարի ԵՄ-ին անդամակցելու գործընթաց նախաձեռնելու մասին։ ԵՄ-ն առաջին հերթին տնտեսական միություն է, և ԵՄ-ի ազատ առևտրի գոտի մտնելու պահին Հայաստանը պետք է դուրս եկած լինի ԵՏՄ-ից։ ԵՄ-ի ոչ մի անդամ ՀԱՊԿ-ի և ԱՊՀ-ի անդամ չէ․ տրամաբանությունը հուշում է, որ ՀՀ-ն պետք է դուրս գա նաև ռուսական ինտեգրացիոն այդ միավորներից նույնպես։
ԵՄ-ի հետ վիզայի ազատականացման ռեժիմը ենթադրում է նաև պետությունների կողմից սեփական սահմանների կառավարում։ Դա կարող է նշանակել, որ ՀՀ-ն ինչ-որ պահից սկսած պետք է ամբողջությամբ ինքնուրույն իրականացնի Թուրքիայի և Իրանի հետ սահմանները, իսկ դա կնշանակի ռուսական սահմանապահների հեռացում։ Ռուս պաշտոնյաները թեև ընդգծում են, որ ԵՄ-ին անդամակցելը ՀՀ-ի ինքնիշխան իրավունքն է, սակայն նշում են, որ ՀՀ-ն չի կարող ԵՄ-ի և ԵՏՄ-ի անդամ լինել միաժամանակ։ Նրանք ակնարկում են նաև ԵՏՄ-ի շուկան կորցնելու հեռանկարը։
Կառավարելի՞ են արդյոք ռիսկերը ԵՄ-ին անդամակցելու պաշտոնական գործըթնաց սկսելու դեպքում։ ՀՀ-ն ստանալու է ավելի շատ օգուտնե՞ր, թե՞ վնասներ և, առհասարակ, լիարժեք անդամության շանսերն ինչպիսին են։ Factor TV-ի տաղավարում հրավիրված քննարկմանը մասնակցում են Գարեգին Միսկարյանը՝ «Ժողովրդավարական հարթակ» հիմնադրամի տնօրեն, Առնոլդ Բլեյանը՝ Հանուն Հանրապետության կուսակցության անդամ, Կարինե Հակոբյանը՝ հասարակագետ, Սուրեն Պետրոսյանը՝ Ժողովրդավարական համախմբում կուսակցության ղեկավար։
Բանավեճն ամբողջությամբ՝ տեսանյութում։
Ռոբերտ Անանյան
