ՀՀ-ին և Արցախին աջակցած Ռոբերտ Քենեդի կրտսերը հաստատվել է ԱՄՆ առողջապահության նախարարի պաշտոնում

Լուրեր

13.05.2025 | 23:29
Անկարան չի փոխել դիրքորոշումը՝ ՆԱՏՕ-ն չպետք է լինի ռուս-ուկրաինական պատերազմի մաս․ Էրդողանն ընդունել է ՆԱՏՕ-ի գլխավոր քարտուղարին
13.05.2025 | 23:17
ԱՄՆ վարչակազմն անտեսում է Թբիլիսիին․ Վրաստանի վարչապետը բաց նամակով դիմել է Դոնալդ Թրամփին ու Ջեյ Դի Վենսին
13.05.2025 | 23:02
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Սյունիքի մարզերում
13.05.2025 | 22:55
Ալիևը Թուրքիայի ԱԽ գլխավոր քարտուղարի հետ քննարկել է երկու երկրների հարաբերությունների խորացումը
13.05.2025 | 22:46
Թրամփն ու Սաուդյան Արաբիայի թագաժառանգը 142 միլիարդ դոլարի պաշտպանական պայմանագիր են ստորագրել
13.05.2025 | 22:40
ՀՀ բալանսավորված արտաքին քաղաքականության կարևոր բաղադրիչ է ԵՄ-ի հետ գործընկերության խորացումը՝ ՀՀ քաղաքացիների ձգտումներին համահունչ․ Արարատ Միրզոյան
13.05.2025 | 22:33
ՆԱՏՕ-ի գլխավոր քարտուղարն ուկրաինական հակամարտությունում խաղաղության հնարավորության պատուհան է տեսնում
13.05.2025 | 22:22
Ադրբեջանական Սումգայիթում Bayraktar անօդաչու թռչող սարքեր կարտադրվեն
13.05.2025 | 22:18
Հայաստանի և Լյուքսեմբուրգի ԱԳ նախարարները հանդիպել են ԵԽ նախարարական նստաշրջանի շրջանակներում
13.05.2025 | 22:05
Պատմության ուսուցչուհին հակափաստարկ չունի. Արմավիրի մարզպետարանի արձագանքը` Մերձավանի դպրոցի դասադուլին
13.05.2025 | 22:00
Փաշինյա՛ն, լոլիկ վաճառող միլիոնատերը, Քոչարյանը, Սարգսյանը ինչո՞ւ չպատժվեցին․ դո՛ւ էիր ասում՝ կծեփեմ ասֆալտին․ Նորայր Նորիկյան․ ՏԵՍԱՆՅՈՒԹ
13.05.2025 | 21:48
Հրշեջ-փրկարարները մարել են ռեստորանի տանիքում բռնկված հրդեհը
13.05.2025 | 21:36
Բրիտանիան Ադրբեջանի «Զանգեզուր» լցանավը ներառել է պատժամիջոցների ցանկում՝ ռուսական նավթ փոխադրելու համար
13.05.2025 | 21:23
Նոան հաղթեց Արարատ-Արմենիային՝ հռչակվելով Հայաստանի գավաթակիր․ ԼՈՒՍԱՆԿԱՐՆԵՐ
13.05.2025 | 21:11
Մխիթար Հայրապետյանն ընդունել է տեխնոլոգիական ոլորտում մեծ ներդրում ունեցող ճապոնացի գիտնական Յոշիակի Հագիվարային
Բոլորը

Ռոբերտ Քենեդի կրտսերը՝ ԱՄՆ նախագահ Դոնալդ Թրամփի կաբինետի ամենահակասական անդամներից մեկը, երդվել է որպես երկրի առողջապահության և մարդկային ծառայությունների հաջորդ նախարար, գրում է BBC-ն։

Լրատվամիջոցը նշում է, որ ԱՄՆ նախագահի նախկին թեկնածուն այժմ վերահսկելու է առանցքային առողջապահական գործակալությունները՝ մոտ 80,000 աշխատողներով և տրիլիոն դոլար բյուջեով: Օրենսդիրները կասկածի տակ էին դնում նրա առողջապահական անհիմն պնդումները և պատվաստանյութերի հանդեպ թերահավատությունը:

Նախօրեին Քենեդին թեկնածությունը հաստատվել է ձայների 52 կողմ և 48 դեմ հարաբերակցությամբ: Ոչ մի դեմոկրատ նրան չի աջակցել։ Սենատի մեծամասնության նախկին առաջնորդ Միթչ Մաքքոնելը միակ հանրապետականն է, որը դեմ է քվեարկել Քենեդի կրտսերին: Նա նախարարների կաբինետի վերջին նշանակված անձն է։

Քենեդին այժմ վերահսկելու է այնպիսի գործակալություններ, ինչպիսիք են Հիվանդությունների վերահսկման և կանխարգելման կենտրոնները (CDC), Սննդի և դեղերի վարչությունը (FDA), Առողջապահության ազգային ինստիտուտը (NIH) և Medicare ու Medicaid ծառայությունների կենտրոնները։

Հավելենք, որ Քենեդի կրտսերը սենատոր Ռոբերտ Քենեդիի որդին և 60 տարի առաջ սպանված ԱՄՆ նախագահ Ջոն Քենեդիի եղբորորդին է։ Նա 2024 թվականի նախագահական մրցապայքարին մասնակցում էր որպես անկախ թեկնածու, սակայն օգոստոսին դուրս էր մնացել ընտրապայքարից և հայտարարել Թրամփին պաշտպանելու մասին: Քենեդի կրտսերը քննադատության է ենթարկվել իր հակապատվաստանյութային դիրքորոշման համար և մեղադրվել COVID-19-ի ժամանակ պատվաստանյութերի անվտանգության ու արդյունավետության մասին դավադրության տեսություններ տարածելու մեջ:

Հավելենք, որ դեռևս նախագահի անկախ թեկնածու լինելու ընթացքում քարոզարշավի ժամանակ նա հայտարարել էր, որ իր վարչակազմը կաջակցի Հայաստանին և Արցախին։ 2023 թվականի դեկտեմբերին X-ի միկրոբլոգում հրապարակված տեսաուղերձում Քենեդին հայտարարել էր, որ ևս «մեկ պատերազմ կանխելու և ազատության ու ժողովրդավարության սկզբունքները պաշտպանելու համար ԱՄՆ կառավարությունը պետք է մոբիլիզացնի տարածաշրջանային աջակցությունը հայերի ինքնապաշտպանության և ինքնորոշման իրավունքին և պաշտպանի արցախահայության անվտանգ վերադարձն իրենց պատմական հայրենիք»։

Նա նշել էր, որ Ադրբեջանը հարձակման է անցել և տեղահանել ամբողջ 120 հազար հայ բնակչությանը։ Անցյալ տարի ապրիլին էլ նա սոցցանցում գրառմամբ հարգանքի տուրք էր մատուցել Հայոց ցեղասպանության զոհերի հիշատակին և հայտարարել, որ «պետք է գործել հիմա՝ Ադրբեջանին պատասխանատվության ենթարկելու համար՝ կոչ անելով ազատ արձակել պատանդներին և կիրառել պատժամիջոցներ՝ մինչև բնիկ հայերի Արցախ վերադարձի ապահով ու կենսունակ ճանապարհին հասնելը»։

Թարգմանությունը՝ Էմմա Չոբանյանի