13.09.2026 | 14:32
Մոլդովական փողոցում խոտածածկույթի հրդեհ է բռնկվել, առկա էր տարածման վտանգ
Պուտինը հեռախոսազրույց է ունեցել Սիրիայի անցումային նախագահի հետ
Քաղաքականություն
12.02.2025 | 18:20
ՌԴ նախագահ Վլադիմիր Պուտինը հեռախոսազրույց է ունեցել Սիրիայի անցումային նախագահ Ահմեդ ալ-Շարաայի հետ։ Այս մասին հայտնել է Կրեմլի մամուլի ծառայությունը, փոխանցում է ՏԱԱՍ-ը։
«Կարծիքների մանրակրկիտ փոխանակում է տեղի ունեցել Սիրիայում տիրող իրավիճակի վերաբերյալ։ Ռուսական կողմն ընդգծել է իր սկզբունքային դիրքորոշումը՝ ի պաշտպանություն սիրիական պետության միասնության, ինքնիշխանության և տարածքային ամբողջականության»,- ասվում է հաղորդագրությունում։
Պուտինը հաստատել է Ռուսաստանի անփոփոխ պատրաստակամությունը՝ նպաստելու Սիրիայում սոցիալ-տնտեսական իրավիճակի բարելավմանը, այդ թվում՝ նրա բնակիչներին մարդասիրական օգնություն տրամադրելը։
Նշվում է, որ երկու երկրների առաջնորդներն անդրադարձել են առևտրատնտեսական, կրթական և այլ ոլորտներում գործնական համագործակցության մի շարք ակտուալ հարցերի, մասնավորապես, հաշվի առնելով Ռուսաստանի միջգերատեսչական պատվիրակության վերջին բանակցությունները Դամասկոսում։ Նրանք պայմանավորվել են շարունակել շփումները երկկողմ համագործակցությունը զարգացնելու համար։
«Վլադիմիր Պուտինը հաջողություն է մաղթել Ահմեդ ալ-Շարաային երկրի նոր ղեկավարության առջև ծառացած մարտահրավերների լուծման գործում՝ ի շահ սիրիացի ժողովրդի, որի հետ Ռուսաստանին պատմական կապում են ընկերությունն ու փոխշահավետ համագործակցությունը»,- ասվում է Կրեմլի հաղորդագրության մեջ։
Հիշեցնենք, որ Մոսկվան ապաստան է տրամադրել Սիրիայի նախկին նախագահ Բաշար Ասադին ու նրա ընտանիքի անդամներին։
Թարգմանությունը՝ Էմմա Չոբանյանի
