18.12.2025 | 23:24
ՀՀ տարածքում ավտոճանապարհները հիմնականում անցանելի են
«Դադարեցնել էս ղառղառության սերիաները»․ Արթուր Հովհաննիսյանը՝ ընդդիմությանը․ ՏԵՍԱՆՅՈՒԹ
Քաղաքականություն
12.02.2025 | 12:23
ԱԺ ՔՊ խմբակցության քարտուղար Արթուր Հովհաննիսյանը կարծիքով՝ «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» նախագիծը առաջին հերթին ՀՀ ժողովրդավարության մասին է։
«Անգամ ամենամոտ անցյալում դժվար էր պատկերացնել, որ հնարավոր կլիներ նման տեքստ քննարկել հայկական իրականության մեջ։ Սա քաղաքացիական նախաձեռնություն է և ԱԺ է եկել քաղաքացիների կողմից։ Այստեղ համեմատականներ են տարվում այլ քաղաքացիական նախագծերի հետ, որոնք ԱԺ-ում չեն քննարկվել։ Շատ վատ համեմատականներ են տարվում, ինչը շատ վիրավորական է»,- ասաց Հովհաննիսյանը՝ դիմելով ընդդիմությանը։ Նա ընդդիմադիր գործընկներին կոչ արեց դադարեցնել «ղառղառության սերիաները»։
Նրա խոսքով՝ այս նախագծով ոչ մեկին ոչինչ չի պարտադրվում, սա ՀՀ քաղաքականության հարցն է. «Այս ճանապարհին, սակայն, բազմաթիվ անելիքներ ունենք, որոնց մասին պետք է շատ ուղիղ խոսենք մեր քաղաքացիների հետ։ Բավականին դժվար ճանապարհ է մեզ սպասվում՝ տնտեսական, տնտեսվարողների կյանքը բարդանալու ուղղությամբ, քանի որ մենք լուրջ աշխատանք պետք է իրականացնենք ապրանքների որակը բարձրացնելու ուղղությամբ, ինչը ենթադրում է վարքագծի փոփոխություն»։
Մանրամասները՝ տեսանյութում։
