16.12.2025 | 20:36
Ստորագրվել է Հայաստանի և Լյուքսեմբուրգի միջև ռազմավարական գործընկերության մասին համատեղ հռչակագիրը
«Եթե մենք ի վիճակի լինեինք մեր պատմությունից դասեր առնել, գաղափարապես դաշնակցական չէինք լինի»․ Փաշինյան․ ՏԵՍԱՆՅՈՒԹ
Քաղաքականություն
11.02.2025 | 13:12
Փարիզում կայացել է Հայաստանի Հանրապետության վարչապետ Նիկոլ Փաշինյանի հանդիպումը Ֆրանսիայի հայ համայնքի ներկայացուցիչների հետ։
Հանդիպման ընթացքում քննարկվել են Հայաստանի առկա մարտահրավերները, հաղթահարմանն ուղղված ՀՀ կառավարության կողմից իրականացվող քայլերը, «Իրական Հայաստան» ռազմավարության հիմնական ուղղությունները, ինչպես նաև Հայաստան-Սփյուռք հարաբերությունների զարգացման հեռանկարները։
Վարչապետը ներկայացրել է Հայաստանի և Ֆրանսիայի միջև բազմաոլորտ համագործակցության խորացման հնարավորությունները, անդրադարձել Ադրբեջանի հետ խաղաղության գործընթացին և տարածաշրջանային անվտանգության հարցերին։
Վարչապետ Նիկոլ Փաշինյանը պատասխանել է նաև հանդիպման մասնակիցների հարցերին՝ ներկայացնելով ՀՀ կառավարության մոտեցումները և ծրագրերը տարբեր ոլորտներում։
«Եթե մենք ի վիճակի լինեինք մեր պատմությունից դասեր առնել, գաղափարապես դաշնակցական չէինք լինի»,- Ֆրանսիայի հայ համայնքի հետ հանդիպման ժամանակ ասել է վարչապետ Նիկոլ Փաշինյան՝ խոսելով ՔՊ-ի գաղափարական տրանսֆորմացիայի մասին։ Փաշինյանի կարծքով՝ երրորդ հանրապետության հիմնադրման առաջին օրից ի վեր բոլոր կուսակցությունները կրել են Հայ հեղափոխական դաշնակցության գաղափարախոսությունը, այդ թվում՝ ՔՊ-ն։
«Բոլորիս նախկին գաղափարախոսության էությունն ու իմաստն այն է, որ Հայաստանը հենման կետ է ավելի բարձր ազգային նպատակների հասնելու համար, ավելի մեծ ազգային խնդիրներ լուծելու համար։ Տրանսֆորմացիան, որ հիմա տեղի է ունենում, հետևյալն է, որ մենք ասում ենք՝ ո՛չ, ՀՀ-ից ավելի բարձր ազգային նպատակ չկա։ ՀՀ-ն ոչ թե հենման կետ է ավելի մեծ հայրենիք ունենալու համար, այլ ՀՀ-ն այն հայրենիքն է, որը մենք ունենք և չպետք է օգտագործենք ուրիշ հայրենիքի համար։ Սա այն հայրենինքն է, որը մենք երազել ենք»,- ասել է Փաշինյանը։
