23.02.2026 | 16:29
Արամ Հակոբյանը՝ շախմատի միջազգային մրցաշարի հաղթող
Աշխարհազորը կփոխարինվի տեղական պաշտպանական ուժերով. ՊՆ փոխնախարար․ ՏԵՍԱՆՅՈՒԹ
Հասարակություն
11.02.2025 | 10:22
ԱԺ հերթական նիստում երկրորդ ընթերցմամբ քննարկվեց «Պաշտպանության մասին» օրենքում փոփոխություններ և լրացում կատարելու մասին և կից ներկայացված օրենքների նախագծերի փաթեթը, որը ներկայացրեց Պաշտպանության փոխնախարար Արման Սարգսյանը:
Նա հայտնեց, որ նախագծով նախատեսվում է ներկայում գործող աշխարհազորի համակարգը փոխարինել տեղական պաշտպանության ուժերով:
«Սահմանվում են դրանց խնդիրները, դերը, ղեկավարման սկզբունքները, կառուցվածքը, այդ ստորաբաժանումների համալրման կարգը:
Տեղական պաշտպանության ուժերի ընդհանուր ղեկավարումն իրականացնելու է բանակային կորպուսի հրամանատարը, և դրանք ներառվելու են զորամիավորման ենթակայությամբ գործող զորամասերի կազմում՝ որպես աջակցող ստորաբաժանումներ»,- հավելեց Սարգսյանը:
Փոխնախարարը նաև նշեց, որ տեղական պաշտպանության ուժերի ստորաբաժանումները համալրվելու են համայնքում հաշվառված, պատերազմական ժամանակի հաստիքներին չկցագրված և պահեստազորի երկրորդ խմբում հաշվառված կամ զինվորական հաշվառումից հանված անձանցով կամավորության սկզբունքով։
Արման Սարգսյանը պատգամավորին կոչ արեց կողմ քվեարկել նախագծի ընդունմանը։
Մանրամասները՝ տեսանյութում։
