03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Այստեղ 7 տասնյակ մարդիկ չեն, այստեղ հազարավորներն են․ ԶՊՄԿ աշխատակիցների գործադուլը շարունակվում է
Հասարակություն
06.02.2025 | 21:46
Արդեն 7-րդ օրն է՝ Զանգեզուրի պղնձամոլիբդենային կոմբինատի աշխատակիցների գործադուլը շարունակվում է։ Տեղեկությունները, թե համաձայնություն է ձեռք բերվել աշխատանքի վերադառնալու վերաբերյալ, չեն համապատասխանում իրականությանը։ Այս մասին Factor.am-ին տեղեկացրեց կոմբինատի աշխատակից Անդրի Սռաքելյանը։
«Իրենք մեր պահանջները չեն կատարել, ապատեղեկատվությամբ են զբաղված։ Այստեղ 7 տասնյակ մարդիկ չեն, այստեղ հազարավորներն են, քվեարկությունը ցույց է տվել՝ 2400 հոգի եկել, կողմ է քվեարկել, չեն կարող դա անտեսել։ Աշխատակիցները մեզ հետ են, գալիս են աշխատանքի վայր, որպեսզի աշխատանքից հեռացման ծանուցումներ չուղարկեն, չվախեցնեն»,- նշեց ԶՊՄԿ աշխատակիցը։
Նրա խոսքով՝ մարդիկ հոգնում են, հերթափոխով են մնում տարածքում, բայց դա չի նշանակում, որ գործադուլի մասնակիցները քիչ են։
«Մարդիկ ուժասպառ են լինում, 7 օր շարունակվող պայքար է, քանակի վերաբերյալ թող ոչ մի հայտարարություն չանեն, որովհետև քանակի հետ կապված քվեարկությամբ արդեն պարզաբանվել է»,- նշեց Առաքելյանը։
Հիշեցնենք, որ ԶՊՄԿ աշխատակիցները հունվարի 31-ից գործադուլ են հայտարարել, նրանք պահանջում են աշխատավարձի բարձրացում 120-ից 150 հազար դրամի չափով։ ԶՊՄԿ դա անիրատեսական է որակել։ Տեղի ունեցած հանդիպումների ընթացքում չի հաջողվել համաձայնության հասնել։
Այսօր հայտարարարություն տարածվեց, որով ԶՊՄԿ-ից պնդում էին, թե աշխատակիցների ճնշող մեծամասնությունը պատրաստ է վերադառնալ աշխատանքի, սակայն փոքրաթիվ աշխատակիցներ՝ շուրջ 70 հոգի, թույլ չեն տալիս։ Բացի այդ, նշվում էր, որ հավաքված մարդկանց մեջ նաև կան ԶՊՄԿ-ում չաշխատող անձինք։
Անժելա Պողոսյան
