10.08.2026 | 10:49
Հայ շախմատիստները մասնակցում են «Spilimbergo International 2026»-ին
«Ժողովու՛րդ, ո՞վ ա ընդդիմությունը»․ Ազգային ժողովում ընդդիմադիր խմբակցություն են փնտրում․ ՏԵՍԱՆՅՈՒԹ
Քաղաքականություն
26.09.2018 | 12:47
Ազգային ժողովում այսօր շարունակվեց ԱԱԾ և ՀՔԾ ղեկավարներին գաղտնալսելու հարցով ստեղծված քննիչ հանձնաժողովի հերթական նիստը, որի մեկնարկից անմիջապես հետո նիստը վարող ՀՀԿ-ական պատգամավոր Գևորգ Կոստանյանը ներկա պատգամավորներին առաջարկեց ըստ կանոնադրության որոշել, թե ընդդիմադիր խմբակցությունից ո՞ւմ թեկնածությունն են առաջադրելու հանձնաժողովի նախագահի տեղակալի պաշտոնում։
Գևորգ Կոստանյանը, ցիտելով կանոնադրությունը, շեշտեց, որ թեկնածուն պետք է անպայման լինի ԱԺ ընդդիմադիր խմբակցությունից։ «Մենք պետք է իմանանք, օրինակ, «Ելք» կամ «Ծառուկյան» խմբակցությունն ընդդիմությո՞ւն է, թե՝ ոչ, որ հասկանանք՝ ում թեկնածությունն են առաջադրում։ Ժողովու՛րդ ո՞վ ա ընդդիմությունը»,- ասաց Կոստանյանը՝ ներկա պատգամավորներից պահանջելով կողմնորոշվել այս հարցում։
«Ծառուկյան» խմբակցության պատգամավոր Գևորգ Պետրոսյանը նկատեց, որ ՀՀ-ում դասական իմաստով ստեղծվել է մի իրավիճակ, որ խորհրդարանում չկա դասական ընդդիմություն, ուստի առաջարկեց, որ հանձնաժողովի նախագահի տեղակալն առաջադրվի կամ ԱԺ ՀՅԴ, կամ «Ելք» խմբակցություններից։
Քննիչ հանձնաժողովի նախագահի տեղակալի պաշտոնում ՀՅԴ-ական թեկնածու առաջադրելու Պետրոսյանի առաջարկը պաշտպանեց նաև նույն խմբակցության պատգամավոր Սերգեյ Բագրատյանը։
Մանրամասները՝ տեսանյութում։
