20.02.2026 | 16:46
ՀՀ փոխվարչապետն ու Վրաստանի էկոնոմիկայի նախարարն անդրադարձել են «Խաղաղության խաչմերուկ» նախաձեռնությանը
Ռուսաստանի և ԱՄՆ-ի շփումներն Ուկրաինայի հարցով ակտիվացել են․ Պեսկով
Քաղաքականություն
05.02.2025 | 16:31
Կրեմլի խոսնակ Դմիտրի Պեսկովը հայտարարել է, որ Ռուսաստանի և ԱՄՆ-ի միջև շփումներն Ուկրաինայի հակամարտության կարգավորման շուրջ իրականացվում են առանձին գերատեսչությունների միջոցով, որոնք վերջին շրջանում ակտիվացել են։ Նա այսպես է մեկնաբանել ԱՄՆ նախագահ Դոնալդ Թրամփի հայտարարությունը Մոսկվայի և Կիևի հետ «կառուցողական բանակցությունների» մասին, փոխանցում է Կոմերսանտը։
«Իսկապես կան շփումներ առանձին գերատեսչությունների միջև, և դրանք վերջին շրջանում ակտիվացել են։ Բայց ես այլ մանրամասներ չեմ կարող ասել»,- լրագրողներին ասել է Կրեմլի խոսնակը։
Փետրվարի 5-ին Վաշինգտոնում կայացած մամուլի ասուլիսում Դոնալդ Թրամփը հայտարարել է, որ Միացյալ Նահանգները «շատ կառուցողական բանակցություններ» է վարում Ուկրաինայի և Ռուսաստանի ղեկավարության հետ։ Մի քանի օր առաջ էլ նա խոսել էր երկու երկրների ներկայացուցիչների հետ նախատեսված հանդիպումների մասին։
Կրեմլը հրաժարվել է մեկնաբանել այս հարցը։ ՌԴ նախագահ Վլադիմիր Պուտինը հայտարարել է Դոնալդ Թրամփի հետ ուկրաինական հակամարտությունը քննարկելու պատրաստակամության մասին։
Թարգմանությունը՝ Տաթև Ֆռանգյանի
