Քաղաքականություն
26.09.2018 | 11:29Հայաստանի և Ադրբեջանի ղեկավարների հանդիպման համար նախապայմաններ չեն դրվում, Հայաստանի ղեկավարը հայտնել է, որ պատրաստ է նման հանդիպման, պատրաստ է Հայաստանի անունից բանակցել Ադրբեջանի ղեկավարի հետ, սակայն այդ հանդիպումը պետք է ունենա բովանդակային և չլինի սոսկ լուսանկարվելու և տեսանկարվելու առիթ։ Այս մասին այսօր հրավիրված մամուլի ասուլիսի ժամանակ ասաց ՀՀ ԱԳ նախարարի մամուլի խոսնակ Տիգրան Բալայանը։
«Մենք ակնկալում ենք, որ հանդիպումը կբերի կոնկրետ արդյունքների նաև նախորդ պայմանավորվածությունների կատարման մասով»,- ասաց Բալայանը։
Հարցին՝ արդյոք քննարկվե՞լ է ՀԱՊԿ-ում և ԵՏՄ-ում Ադրբեջանին դիտորդի կարգավիճակ տալու հարցը, Բալայանը պատասխանեց, որ այս պահին նման քննարկում ստորին և բարձր մակարդակով չի եղել, քանի որ Ադրբեջանը չի համապատասխանում այդ կազմակերպությունների հիմնարար փաստաթղթերում արձանագրված չափանիշներին։
Մանրամասները՝ տեսանյութում։
