30.04.2026 | 09:30
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցություն է խնդրում
Ավտոբուսի վարորդի ինքնազգացողությունը վատացել է, նա դուրս է եկել երթուղուց․ խոսնակ
Հասարակություն
04.02.2025 | 17:39
Երևանի նախկին քաղաքապետ Հայկ Մարությանի բոյկոտի այսօրվա ակցիայի ժամանակ կրքերը թեժացան․ վիճաբանություն տեղի ունեցավ 36 համար ավտոբուսի վարորդի ու քաղաքացու միջև։
«Երևանի ավտոբուս» ՓԲԸ-ի խոսնակ Գեղամ Ստեփանյանը Factor.am-ի հարցին ի պատասխան ասաց, որ վարորդի ինքնազգացողությունը վատացել է, նա հավաքակայանի պետին խնդրել է դուրս գալ երթուղուց։
Նշենք, որ ուղևորը վարորդի դիմաց 100 դրամանոց մետաղադրամ է դրել, վարորդն էլ հորդորել է վերցնել այն։ Քաղաքացին չի հետևել հորդորին, և վարորդը նրան կոչ է արել իջնել ավտոբուսից։
Հիշեցնենք՝ փետրվարի 1-ից Երևանում տրանսպորտից օգտվելու մեկ ուղևորության արժեքը 100 դրամի փոխարեն դարձավ 150 դրամ։ Ընդդիմադիր քաղաքական գործիչներ ու քաղաքացիներ դեմ են նոր սակագնին և պահանջում են առավելագույնը 100 դրամ վճարել։ Հայկ Մարությանի այսօրվա ակցիայի ընթացքում մի քանի անգամ իրավիճակը լարվել է նախ նրա համախոհների ու քաղաքացիների միջև, ապա տրանսպորտի թանկացմանը կողմ և դեմ քաղաքացիների միջև։
Արփի Հակոբյան
