18.12.2025 | 23:24
ՀՀ տարածքում ավտոճանապարհները հիմնականում անցանելի են
Եթե բերեք մի տեսանյութ, որտեղ ասում եմ՝ պետք է տրանսպորտը թանկանա, այդ մարդուն կվճարեմ 1000 դոլար․ Մարության. ՏԵՍԱՆՅՈՒԹ
Քաղաքականություն
03.02.2025 | 17:40
«Ես ասել եմ տրանսպորտը կթանկանա՞․ եթե դուք բերեք մի տեսանյութ, որտեղ ես ասում եմ, որ պետք է տրանսպորտը թանկանա, և ես թանկացնելու եմ տրանսպորտը, ես այս մարդուն կվճարեմ 1000 ԱՄՆ դոլար»,- քաղաքապետարանի շենքի դիմաց լրագրողի պնդումներին ի պատասխան ասաց Երևանի նախկին քաղաքապետ Հայկ Մարությանը։ «Դուք ՔՊ-ի հետ կապ ունե՞ք։ Ձեր հարցից զգացվեց, որ կապ ունեք, անգամ հարցի մեջ սուտ է հնչում»,- ասաց նա։
Հիշեցնենք՝ 2018 թվականին՝ իր երդմնակալության օրը, Հայկ Մարությանը, անդրադառնալով տրանսպորտի թանկացման հարցին, նշել էր։
«Չեմ ասում, որ թանկանալու է և այլն, բայց շատ զավեշտալի է իրականում, որ 2013 թվականից՝ 5 տարվա ընթացքում, ամեն ինչի գինը բարձրացել է բացի տրանսպորտի գնից։ Սա նաև ինչ-որ տեղ զարմանալի է, էն ժամանակ օբյեկտիվ էր, որ մենք ասում էինք՝ մի՛ թանկացրեք, այս անգամ արդեն, ըստ իս, որ չի թանկանում դա արդեն օբյեկտիվ չի։ Ինձ թվում է՝ նախկին իշխանություններն ուղղակի վախենում էին գինը բարձրացնել, որպեսզի նոր ալիք չբարձրանար, բայց միջուցե այդտեղ օբյեկտիվության պահ կա։ Բայց շատ կարևոր է, որ պետք է փոխվի տրանսպորտը, ընդհանրապես տրանսպորտային միջոցը և նոր խոսենք գների մասին։ Իսկ գների բարձրացման կամ ոչ բարձրացման համար նույնպես պետք է միասին որոշենք։ Այսինքն՝ մենք Երևանի բնակիչներին ներկայացնելու ենք, ասենք՝ գիտեք, տրանսպորտը փոխվեց, հիմա տոմսի ինքնարժեքն այսքան է, մեր տարբերակը՝ մենք սուբսիդավորենք դա և քաղաքացիների համար չթանկանա, թե չսուբսիդավորենք և այլ հարցեր լուծենք։ Շատ կարևոր է, սա լինի հանրաքվեի միջոցով»,- ասել էր Մարությանը՝ 2018 թվականի հոկտեմբերի 13-ին։
Մանրամասները՝ տեսանյութում։
