15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ՀՀ սփյուռքի նախարարը հանդիպել է Եգիպտոսի վարչապետի հետ
Քաղաքականություն
25.09.2018 | 21:39
Եգիպտոսի Արաբական Հանրապետություն կատարած պաշտոնական այցի շրջանակներում այսօր սփյուռքի նախարարության պատվիրակությանն ընդունեց Եգիպտոսի վարչապետ Մուստաֆա Մադբուլին. տեղեկացնում են նախարարության լրատվական ծառայությունից:
Հանդիպման ընթացքում անդրադարձ կատարվեց հայ-եգիպտական հարաբերություններին, Եգիպտոսի մշակութային և սոցիալ-տնտեսական կյանքում տեղի հայ համայնքի ունեցած դերակատարությանը: Նախարար Մխիթար Հայրապետյանը ՀՀ կառավարության անունից գնահատանքի խոսք փոխանցեց Եգիպտոսի ժողովրդին և պետությանը, որը Հայոց ցեղասպանության տարիներին հազարավոր հայերի փրկություն և ապաստան է տվել:
Հանդիպման ավարտին երկուստեք կարևորվեց նաև երկու երկրների՝ սփյուռքի հետ աշխատանքները կարգավորող պատասխանատու գերատեսչությունների միջև համագործակցության խորացումը:
