16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Փաստորեն՝ 99 թվին Ղարաբաղն Ադրբեջանի՞նն էր, որ ուրախացաք՝ Ալիևը պատրաստ է այն տալ ՀՀ-ին․ Փաշինյան․ ՏԵՍԱՆՅՈՒԹ
Քաղաքականություն
31.01.2025 | 14:46
«Այդ նյութը նրա մասին էր, ինչի մասին ես վերջերս խոսեցի և դա դարձավ առիթ, որ ես նախկին երեք նախագահներին իրենց արձագանքի բերումով բանավեճի հրավիրեմ»,- այս մասին ասուլիսի ժամանակ հայտարարեց ՀՀ վարչապետ Նիկոլ Փաշինյանը՝ անդրադառնալով «Ազատության» պատրաստած նյութին, որը հիմնված է ԱՄՆ-ի պետդեպարտամենտի գաղտնազերծած փաստաթղթերի վրա․ ամերիկյան պաշտոնյաների վկայությունները վերաբերում են Հայաստանի և Ադրբեջանի ղեկավարների միջև 90-ականների վերջերից Մեղրին Լեռնային Ղարաբաղով փոխանակելու շուրջ գաղտնի բանակցություններին Նիկոլ Փաշինյանը ռեպորտաժից մի հատված մեջբերեց, որի շուրջ ներկայացրեց իր դիտարկումները։
«Այնտեղ մի նախկին պաշտոնյայի (նկատի ունի ԱԳ նախկին նախարար Վարդան Օսկանյանին-խմբ) մեկնաբանություն կա այդ թեմայի հետ կապված, որ ինքն էլ էր բանավեճի հրավիրում ինձ, այդ ռեպորտաժի մեջ։ Ասում է՝ Քոչարյանը, որ այնտեղ Ալիևի հետ հանդիպեց, ես ու Վազգեն Սարգսյանն էլ էինք այնտեղ, ասում է՝ երբ Քոչարյանը դուրս եկավ, ասաց՝ Ալիևը այսպիսի բան է առաջարկում, մեր առաջին ռեակցիան այն էր, որ Ալիևը պատրաստ է Ղարաբաղը տա։ Այսինքն Ղարաբաղը Ալիևի՞նն էր: 1999 թվին, փաստորեն, Ղարաբաղը Ալիևինն էր, որ դուք էլ ուրախացա՞ք, որ Ալիևը պատրաստ է Ղարաբաղը տա»,- մեկնաբանեց կառավարության ղեկավարը։
Մանրամասները՝ տեսանյութում։
