Բոբ Մենենդեսը դատապարտվել է 11 տարվա ազատազրկման

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Նյու Ջերսիից ԱՄՆ նախկին սենատոր Բոբ Մենենդեսը դատապարտվել է 11 տարվա ազատազրկման՝ կաշառակերության և կոռուպցիայի մեղադրանքով, գրում է BBC-ն։

Անցյալ տարվա հուլիսին երդվյալ ատենակալները Մենենդեսին մեղավոր էին ճանաչել 16 հոդվածներով՝ օտարերկրյա կառավարություններին օգնելու դիմաց նվերներ ստանալու համար, այդ թվում՝ ոսկու ձուլակտորներ, կանխիկ գումար և Mercedes-Benz մակնիշի ավտոմեքենա: Դատախազները պահանջում էին առնվազն 15 տարվա ազատազրկում։

71-ամյա Մենենդեսի փաստաբանները կոչ էին արել ավելի կարճ պատիժ սահմանել՝ զուգորդված հասարակական աշխատանքի հետ:

«Ինչ-որ տեղ ճանապարհին Դուք, ցավոք, դարձաք կոռումպացված քաղաքական գործիչ»,- ասել է դատավոր Սիդնի Սթեյնը նախքան Մենենդեսի դատավճիռը հրապարակելը:

Աղբյուրի փոխանցմամբ՝ դատավճռից առաջ Մենենդեսը լաց է եղել դատարանի դահլիճում ելույթ ունենալիս:

«Բացի իմ ընտանիքից՝ ես կորցրել եմ այն ​​ամենը, ինչ երբևէ թանկ է եղել ինձ համար։ Ամեն օր, որ ես արթուն եմ, պատիժ է»,-ասել է նա։

Մենենդեսի որդին՝ դեմոկրատ կոնգրեսական Ռոբ Մենենդեսը, և նրա դուստրը՝ MSNBC-ի հաղորդավար Ալիսիա Մենենդեսը, դատարանի դահլիճում են եղել։

Ավելի վաղ այդ գործով դատապարտվել էին նաև Մենենդեսի երկու համախոհները։ Նյու Ջերսիից կառուցապատող Ֆրեդ Դայբեսը, որը, ըստ դատախազների, ոսկի և կանխիկ գումար է մատակարարել սենատորին, դատապարտվել է յոթ տարվա ազատազրկման և տուգանվել 1,75 միլիոն դոլարով: Ծագումով Եգիպտոսից ամերիկացի գործարար Վաել Հանան, որը, դատախազների պնդմամբ, Մենենդեսի և Եգիպտոսի կառավարության միջև գործարքի միջնորդն է եղել, ավելի քան ութ տարվա ազատազրկման է դատապարտվել և տուգանվել 1,25 միլիոն դոլարով:

Մենենդեսը բազմիցս հերքել է իր մեղքը՝ հայտարարելով, որ մտադիր է բողոքարկել դատավճիռը: Սենատորը, որը նախկինում ղեկավարում էր Սենատի արտաքին հարաբերությունների հանձնաժողովը, անցյալ տարվա օգոստոսին հրաժարական էր տվել։

Նշվում է, որ դատավճիռը կայացվել է 9 շաբաթ տևած դատավարությունից հետո, որի ընթացքում երդվյալ ատենակալներին են ներկայացվել ապացույցներ, որ Մենենդեսն ընդունել է նվերներ, այդ թվում՝ 100,000 դոլար արժողությամբ ոսկու ձուլակտորներ և ավելի քան 480,000 դոլար կանխիկ, որոնք ՀԴԲ գործակալները գտել են Մենենդեսի տանը:

Փաստաբանները պնդում են, որ նվերները չեն մտնում կաշառքի սահմանման տակ՝ հայտարարելով, որ դատախազները չեն կարողացել ապացուցել, որ Մենենդեսը որևէ գործողություն է կատարել կաշառքի արդյունքում:

Նախկին սենատորի կինը՝ Նադին Մենենդեսը, սխեմայի մասնակից է համարվում։ Նրա գործով դատավարությունը հետաձգվել է, որպեսզի նա կարողանա կրծքագեղձի քաղցկեղի բուժում անցնել։ Այն կսկսվի մարտին:

Թարգմանությունը՝ Էմմա Չոբանյանի