19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Ուղղաթիռը երկար ժամանակ ուղիղ դեպի ինքնաթիռն է շարժվել, ինչո՞ւ չի փոխել թռիչքի ուղղությունը․ Թրամփ
Քաղաքականություն
30.01.2025 | 12:17
ԱՄՆ նախագահ Դոնալդ Թրամփը հայտարարել է, որ Վաշինգտոնից դուրս գտնվող Ռեյգանի անվան օդանավակայանի մոտ մարդատար ինքնաթիռի և ռազմական ուղղաթիռի բախումը հնարավոր էր կանխել։ Ըստ նրա՝ օդանավը ստանդարտ վայրէջքի մոտեցման հետագիծ է վարել, և ուղղաթիռի անձնակազմը պետք է փոխեր ուղղությունը։
«Ինքնաթիռը գնում էր դեպի օդանավակայան իդեալական և սովորական մոտեցման հետագծով: Ուղղաթիռը երկար ժամանակ ուղիղ նրա կողմն է շարժվել։ Ինքնաթիռի լույսերը վառվել են։ Ինչո՞ւ ուղղաթիռը չի բարձրացել, իջել կամ շրջվել: Ինչո՞ւ կառավարման աշտարակն ուղղաթիռին հստակ ցուցումներ չի տվել՝ հարցնելու փոխարեն՝ արդյո՞ք տեսնում է ինքնաթիռը։ Սա վատ իրավիճակ է, որը կարելի էր կանխել»,- գրել է ԱՄՆ նախագահը Truth Social սոցցանցում։
American Airlines-ի գործադիր տնօրեն Ռոբերտ Իսոմը, որին պատկանում էր ուղևորատար ինքնաթիռը, խորը վիշտ է հայտնել տեղի ունեցած ողբերգության կապակցությամբ։
PSA Airlines-ի (American Airlines-ի դուստր ձեռնարկություն) կողմից շահագործվող Bombardier CRJ700 ինքնաթիռը վայրէջքի մոտենալիս բախվել է Sikorsky H-60 ռազմական ուղղաթիռին հունվարի 29-ին՝ տեղական ժամանակով 21:00-ի սահմաններում:
Ինքնաթիռի բեկորներն ընկել են Պոտոմակ գետը։ Դրանում եղել է 60 ուղևոր և անձնակազմի չորս անդամ, իսկ ուղղաթիռում՝ երեք զինվորական։ CBS-ի տվյալներով՝ գետից արդեն դուրս է բերվել առնվազն 18 դի։
Թարգմանությունը՝ Տաթև Ֆռանգյանի
